Gujarati News

Gujarati News

News of Friday, 12th October 2018

ખંભાતના ટિમ્બામાં દહેજના મામલે પરિણીતા પર ત્રાસ ગુજારનાર સાસરિયા વિરુદ્ધ ફરિયાદ

ખંભાત: તાલુકાના ટીમ્બા ગામની પરિણીતાને તેના પતિ, સાસુ, કાકા સસરા તથા દેરાણી દ્વારા દહેજની માંગણી કરીને શારીરિક તેમજ માનસિક ત્રાસ ગુજારતાં આ અંગે આણંદના મહિલા પોલીસે ગુનો દાખલ કરીને તપાસ હાથ ઘરી છે. 
પ્રાપ્ત વિગતો અનુસાર પેટલાદ તાલુકાના અરડી ગામે રહેતી સુમિત્રાબેનના લગ્ન સાતેક વર્ષ પહેલા ખંભાત તાલુકાના ટીમ્બા ગામે રહેતા જગદીશભાઈ ખુશાલભાઈ રોહિત સાથે થયા હતા. દોઢ વર્ષ સુધી લગ્નજીવન સુખરૂપ ચાલ્યું હતુ જેના ફળસ્વરૂપે એક પુત્રીનો જન્મ થયો હતો. જો કે પુત્રી થયા બાદ પતિના સ્વભાવમાં ફેરફાર થઈ ગયો હતો અને ત્રાસ ગુજારવાનો ચાલુ કરી દીધો હતો. જેમાં સાસુ અંબાબેન, કાકા સસરા પરસોત્તમભાઈ રામાભાઈ રોહિત તથા દેરાણી વર્ષાબેન કિરણભાઈ રોહિત દ્વારા ચઢવણી કરવામાં આવતાં તેણીના ત્રાસમાં વધારો થઈ જવા પામ્યો હતો. 
ત્યારબાદ પતિ દ્વારા દહેજમાં સોનાના દાગીનાની માંગણી કરી હતી જે માંગણી ના સંતોષતા તેણી પરના ત્રાસમાં વધારો કરી દેવામાં આવ્યો હતો. આખરે તેણીને પિયર કાઢી મૂકવામાં આવી હતી. પતિ દ્વારા ત્યાં પણ આવીને ગમે તેવી ગાળો બોલીને મારઝુડ કરવામાં આવતાં ના છુટકે સુમિત્રાબેને આણંદના મહિલા પોલીસ મથકે આવીને પોતાની ફરિયાદ આપી હતી.

(5:07 pm IST)
  • અરવલ્લી:મોડાસા માર્કેટયાર્ડમાં વેપારીઓનો હોબાળો:દબાણ દૂર કરતા પહેલા વેપારીઓમાં રોષ:૯૮ વેપારીઓને નોટિસની મુદત પૂર્ણ થતા કાર્યવાહી :આજે દબાણ દૂર કરવાની કાર્યવાહી હાથ ધરાશે:૧૦૦થી વધુ પોલીસ કાફલા સાથે કાર્યવાહી કરાશે:૩૦ વર્ષથી દુકાન ચલાવતા વેપારીઓ રડી પડ્યા access_time 5:41 pm IST

  • સુરત :ઓલપાડના કિમ ગામે હીરાપન્ના ૧ સોસાયટીમાં હત્યા:પતિએ ગાળું દબાવી પત્નીની કરી હત્યા:પત્નીની હત્યા બાદ પતિએ કર્યો આપઘાત:પતિએ પંખા વડે લટકી કર્યો આપઘાત:પતિ દ્વારા પત્નીની હત્યા કરવાનું કારણ અકબંધ:હીરાપન્ના સોસાયટીમાં પતિ-પત્નીના મોતને લઈ ચકચાર:કિમ પોલીસે ઘટના સ્થળે પહોંચી તપાસ હાથ ધરી:મૃતક પતિ-પત્નીના મૃતદેહને પીએમ માટે મોકલી પોલીસે આગળની તપાસ હાથ ધરી.. access_time 5:40 pm IST

  • છેડતીના બનાવો રોકવા વડોદરામાં અનુપમસિંહ ગેહલોતનો નવતર પ્રયોગ : વડોદરા પોલીસ કમિશ્નર શ્રી અનુપમસિંહ ગેહલોતનું જાહેરનામુ મહિલા હોસ્ટેલ, શાળા-કોલેજ બહાર ઉભા રહેવા પર પ્રતિબંધઃ ૫૦ મીટરના વિસ્તારમાં ઉભા રહેવા પર પ્રતિબંધઃ કારણ વિના કોઇ પુરૂષ નહિ ઉભા રહી શકેઃ મહિલા છેડતીને રોકવા માટે બહાર પાડયુ જાહેરનામુ access_time 4:30 pm IST