Gujarati News

Gujarati News

News of Friday, 12th October 2018

જીપમાં ગુપ્ત ખાનું બનાવી 72 હજારના વિદેશી દારૂના જથ્થાને પોલીસે રંગે હાથે ઝડપ્યો

આણંદ: લોકલ ક્રાઈમ બ્રાન્ચ પોલીસે ગઈકાલે બપોરના સુમારે કાસોર-અજરપુરા રોડ ઉપર વોચ ગોઠવીને એક માર્શલ જીપમાં ગુપ્ત ખાનું બનાવીને લઈ જવાતા ૭૨ હજારના વિદેશી દારૂના જથ્થા સાથે એક શખ્સને ઝડપી પાડ્યો હતો. આ અંગે ભાલેજ પોલીસ મથકે ગુનો દાખલ કરીને સંડોવાયેલા અન્ય શખ્સોને ઝડપી પાડવાના ચક્રો ગતિમાન કર્યા છે. 
પ્રાપ્ત વિગતો અનુસાર ગઈકાલે બપોરના સુમારે પેટ્રોલીંગ કરી રહેલી એલસીબી પોલીસને માહિતી મળી હતી કે, અજરપુરા ચોકડી પાસે વિદેશી દારૂની હેરાફેરી થવાની છે જેથી પોલીસે ગુપ્ત રીતે વોચ ગોઠવી દીધી હતી. દરમ્યાન એક માર્શલ જીપ નંબર જીજે-૭, આર-૬૦૪૯ની આવી ચઢતાં પોલીસે તેને શંકાને આધારે અટકાવીને તલાશી લેતાં અંદરથી વિદેશી દારૂની ૧૯૧ બોટલો કે જેની કિંમત ૭૨૯૦૦ રૂપિયા જેટલી થવા જાય છે તે મળી આવ્યો હતો. પોલીસે વિદેશી દારૂના જથ્થા સાથે ગામડીના સાહિલ ઉર્ફે સન્નીને ઝડપી પાડ્યો હતો અને તેની પુછપરછ કરતાં રાજુ ખ્રિસ્તી સહિત અન્ય ત્રણ શખ્સોની સંડોવણી હોવાનું ખુલવા પામ્યું હતુ. જેથી પોલીસે તેઓને પણ ઝડપી પાડવાના ચક્રો ગતિમાન કર્યા છે. 

(5:06 pm IST)
  • જૂનાગઢ-બાટવા નજીકથી 520 પેટી વિદેશી દારુ ઝડપાયો:રુપીયા 20 લાખનો વિદેશી દારુ અને 9 લાખના ટ્રક સાથે 2 શખ્શની ધરપકડ access_time 5:41 pm IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST