Gujarati News

Gujarati News

News of Friday, 12th October 2018

બીજા ર૧ સિંહોમાં પણ ઘાતક વાયરસના લક્ષણો મળતા દોડધામ

અમદાવાદ તા. ૧ર : ર૩ સિંહોના મોત બાદ બીજા ર૧ સિંહમાં ઘાતક વાયરસના લક્ષણો મળી આવતા વન વિભાગ સિંહોમાં ફેલાતા રોગ અંગે ઉંઘતુ ઝડપાયું છે.

ઇન્ડિયન કાઉન્સિલ ઓફ મેડિકલ રિસર્ચ (આઇસીએમઆર)ના રિપોર્ટમાં બીજા ર૧ સિંહો પણ ખતરા હેઠળ હોવાનું જાણવા મળ્યું છે ગીરના સિંહોના કેનાઇન ડિસ્ટેમ્પર વાઇરસ (સીડીવી) થી મોત નોંધાયા છે. એ પછી બીજા સિંહોની તપાસ કરવા માટેર ૭ સિંહોના સેમ્પલ આઇસીએમઆર પસો મોકલાયા હતા. તેમાંથી ર૧ સિંહોનો જીવ લઇ લેતા આ રોગ ઘાતક છે સિંહમાં સીડીવી હોવાનું જાણવા મળ્યું છે. અને ગુજરાતનો વન વિભાગ તેમ સાવ ઉઘતો ઝડપાયો હતો.

ગીરના જંગલમાં ૩ સપ્તાહના ટુંકા ગાળામાં ર૩ સિંહના મોત થયા પછી હવે સરકાર વિવિધ દિશામાં તપાસ અને કાર્યવાહી કરી રહી છે. શરૂઆતમાં સરકારે સિંહોના મોત ઇન-ફાઇટથી થયા હોવાની વાત કરી હતી. બાદમાં તપાસ કરતા જણાયું હતું કે સિંહ સહિતના પ્રાણીઓમાં જોવા મળતો કેનાઇન ડિસ્ટેમ્બર નામનો ઘાતક રોગચાળો સિંહોને લાગુ પડયો છે. આફ્રિકાના જંગલોમાં આ રોગચાળાએ મોટી સંખ્યામાં સિંહોની વસતીનો સફાયો કર્યો છે સીડીવી આસાનીથી રોકી શકાતો નથી, ફેલાતો અટકાવી શકાતો નથી. માટે સિંહોના મોત અટકાવવા એ મોટો પડકાર બની રહે છે.

આઇસીએમઆરના રિપોર્ટમાં સ્પષ્ટ કહેવાયું છે કે ર૧ સિંહમાં વાઇરસ જોવા મળ્યો તેનો મતલબ એવો થાય કે વાઇરસનો ફેલાવો ચાલુ જ છે શકય છે કે ગીરના બીજા સિંહો સુધી પણ એ વાઇરસ પહોંચ્યો હતો. અલબત્ત, એ માટે જંગલ ખાતું અને સરકારના અન્ય વિભાગો બાકીના સિંહની તપાસ કરી રહ્યા છે. પરંતુ રિપોર્ટમાં ભલામણ કરવામાં આવી છે સિંહોની સલામતી માટે તેને હાલ પુરતા તો ગીરમાંથી ખસેડવા જોઇએ કેમ કે આ વાઇરસ હવાથી અને બીજી ઘણી રીતે ફેલાઇ શકે છે જો કે ગુજરાત સરકારે સિંહોને કયાંય લઇ જવાની હાલ તો ના કહી દીધી છે.

(3:31 pm IST)
  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST

  • છેડતીના બનાવો રોકવા વડોદરામાં અનુપમસિંહ ગેહલોતનો નવતર પ્રયોગ : વડોદરા પોલીસ કમિશ્નર શ્રી અનુપમસિંહ ગેહલોતનું જાહેરનામુ મહિલા હોસ્ટેલ, શાળા-કોલેજ બહાર ઉભા રહેવા પર પ્રતિબંધઃ ૫૦ મીટરના વિસ્તારમાં ઉભા રહેવા પર પ્રતિબંધઃ કારણ વિના કોઇ પુરૂષ નહિ ઉભા રહી શકેઃ મહિલા છેડતીને રોકવા માટે બહાર પાડયુ જાહેરનામુ access_time 4:30 pm IST

  • આજે પણ ફરી અમેરિકી શેરબજાર થયું ધબાય નમઃ : ડાઉ જોન્સ 545 પોઇન્ટ તૂટ્યો : વૈશ્વિક અર્થતંત્ર પર ફરી માઠા પરિણામની સેવાય રહેલી આશંકા access_time 1:45 am IST