Gujarati News

Gujarati News

News of Friday, 12th October 2018

અમદાવાદમાં હોટલના માલિકના ઘરમાંથી ૨૪ લાખ લઇને નોકર નાસી છૂટ્યો

અમદાવાદઃ હોટેલના માલિક અને ચાંદખેડાના રહેવાસી નરેશ અરોરાએ પોલીસ સ્ટેશનમાં તેમનો ઘરઘાટી 24 લાખ રોકડા લઈને છૂ થઈ ગયો હોવાની ફરિયાદ નોંધાવી છે. ગયા મહિને જ્યારે તે પોતાના પરિવારજનો સાથે દુબઈ ફરવા ગયા ત્યારે તેમણે તેમના બેડરૂમમાં 24 લાખ રોકડ ભરેલી બેગ રાખી હતી.

ફરિયાદી નરેશ અરોરાએ જણાવ્યું કે તે 2 સપ્ટેમ્બરે તેમની પત્ની અને બે બાળકો સાથએ દુબઈ ફરવા ગયા હતા. 1 સપ્ટેમ્બરે તેમણે બેડરૂમમાં 24 લાખ રૂપિયા રાખ્યા હતા. દુબઈથી પાછા ફર્યા બાદ તેમણે સાસણગીરની અને ત્યાર બાદ ફ્રાન્સની બિઝનેસટૂર કરી હતી. જ્યારે તે પાછા ફર્યા ત્યારે 2 ઓક્ટોબરના રોજ પત્નીએ તેમને જાણ કરી હતી કે રોકડથી ભરેલી બેગ ગાયબ હતી.

અરોરાની પત્નીએ જણાવ્યું કે તેમનો ઘરઘાટી કિશન ગામેટી પણ ગુમ હતો અને તે રાજસ્થાન પોતાના વતન ગયો હતો. અરોરાના પિતાએ જણાવ્યું કે તે દુબઈ ટ્રિપ પર હતા ત્યારે તેમનો ઘરઘાટી અવારનવાર બેડરૂમમાં જતો હતો. અરોરાએ તેને કોન્ફિડન્સમાં લઈને પૂછ્યું હતું કે તેણે પૈસા ચોર્યા છે કે કેમ. ગામેટીએ પોતાનો ગુનો સ્વીકારી લીધો હતો. ચાંદખેડા પોલીસે ગામેટીના નામે ચોરીનો ગુનો નોંધ્યો છે.

(6:01 pm IST)
  • બ્રિટન બન્યો દુનિયાનો પ્રથમ દેશ જેણે આત્મહત્યા રોકવા મંત્રીશ્રી નિમણુક કરીઃ દર વર્ષે આશરે ૪૫૦૦ લોકો આત્મહત્યા કરે છેઃ ખુબજ ચિંતાજનક આંકડોઃ વડાપ્રધાન થેરેસા મેનું નિવેદન access_time 11:28 am IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST