Gujarati News

નવસારીમાં જિલ્લામાં વધુ 15 કોરોના પોઝીટીવના નોંધાતા જિલ્લામાં કુલ 1032 કેસ નોંધાયા છે.નવસારી જિલ્લામાં શનિવારે કોરોનાના કેસોમાં વધારો થયો છે. જિલ્લામાં છેલ્લા કેટલાક દિવસોથી 8 થી 10 કેસો નોંધાઈ રહયા હતા. પરંતુ આજે કેસોમાં વધારો થયો છે.

  શનિવારે જિલ્લામાં વધુ 15 કેસો નોંધાયા છે. જેમાં ચીખલી તાલુકામાં 5, નવસારીમાં 3, બીલીમોરામાં 3, જલાલપોરમાં 2, વાંસદામાં 1 અને વિજલપોરમાં 1 મળી જિલ્લામાં કુલ કોરોના પોઝીટીવનો  આંકડો 1032 ઉપર પહોંચ્યો છે. જોકે આજે બીજા દિવસે પણ કોરોનાને પગલે જિલ્લામાં કોઇપણ દર્દીનું મોત ન નીપજતા હાલ મોતનો આંકડો 96 ઉપર સ્થિર છે. જ્યારે આજે વધુ 7 દર્દીઓએ કોરોનાને માત આપતા જિલ્લામાં કુલ 836 દર્દીઓ સાજા થયા છે. હાલ જિલ્લામાં કુલ 100 કોરોના પોઝીટીવ દર્દીઓ હોસ્પિટલમાં સારવાર લઇ રહયા છે.