Gujarati News

Gujarati News

News of Thursday, 12th September 2019

આણંદ જિલ્લાના લિંગડામાં રિક્ષામાં પગ લાંબા કરી સૂવું યુવકને ભારે પડ્યું: ટ્રેક્ટર સાથે પગ અથડાતા પગ કપાવવાની નોબત આવતા અરેરાટી

આણંદ:જિલ્લાના લીંગડામાં રહેતાં જયેશભાઈ ઈશ્વરભાઈ ચૌહાણ તેમજ તેમના મિત્રો અનિલભાઈ વિક્રમભાઈ સોલંકી અને રૂતેશભાઈ રાજેશભાઈ સોલંકી ગત તા.૫-૯-૧૯ ના રોજ સાંજના સમયે સીએનજી રીક્ષા નં. જીજે-૨૩, ઝેડ-૧૨૭૮ લઈ ઠાસરા તાલુકાના પીપલવાડા ગામની સીમમાંથી પસાર થઈ રહ્યાં હતાં. તે વખતે જયેશભાઈની તબિયત બરાબર ના હોઈ અને ચક્કર આવતાં હોવાથી તેઓ રીક્ષામાં પાછળની સીટમાં પગ લાંબા કરી સુઈ ગયાં હતાં. અને તેમનો જમણો પગ રીક્ષાની બહાર હતો. તે સમયે સામેથી આવતાં ટ્રેક્ટર સાથે જયેશભાઈનો પગ અથડાતાં તેઓ ગંભીર ઈજાગ્રસ્ત બન્યાં હતાં. જેથી તેઓને સારવાર માટે ઠાસરા સરકારી દવાખાનામાં અને ત્યારબાદ વધુ સારવાર માટે કરમસદની હોસ્પિટલમાં ખસેડવામાં આવ્યાં હતાં. જ્યાં જયેશભાઈ ચૌહાણના પગનું ઓપરેશન કરી તેમનો જમણો પગ ઢીંચણવાસથી કાપવો પડ્યો હતો. 

આ બનાવ અંગે જયેશભાઈ ઈશ્વરભાઈ ચૌહાણની ફરિયાદને આધારે ઠાસરા પોલીસે અજાણ્યાં ટ્રેક્ટરના ચાલક સામે ગુનો નોંધી કાયદેસરની કાર્યવાહી હાથ ધરી છે. 

(5:52 pm IST)
  • નવા મોટર વહિકલ એક્ટનો વિરોધ : બિહારના કટિહારમાં પ્લાસ્ટિકનો ડોલ માથામાં પહેરીને ચલાવાયું બાઈક ; પટનામાં પોલીસ અને પબ્લિક વચ્ચે ઘર્ષણ :પોલીસ પર પથ્થરમારો થયો : પોલીસ ભીડને વિખેરવા કર્યો લાઠીચાર્જ ફોટો katihar access_time 1:08 am IST

  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST

  • સચિવાલય અનેવિધાનસભા માં પ્રવેશ લેવા માટે હેલ્મેટ અને સીટબેલ્ટ ફરજીયાત: ,સચિવાલય અને વિધાનસભાના તમામ ગેટ ઉપર હાથ ધરાશે ચેકીંગ access_time 8:56 pm IST