Gujarati News

Gujarati News

News of Thursday, 12th September 2019

ઈડરિયામાં મહાકાલીના મંદિર નજીક આવેલ ઝરણાં પાસેથી દીપડાનો મૃતદેહ મળી આવતા ચકચાર: વનતંત્રની ટીમે દિપડાના મૃતદેહનો કબ્જો લીધો

ઇડરીયા: ગઢના ડુંગર પર મહાકાલી મંદિરને અડીને આવેલા ઝરણા પાસેથી દીપડાનો મૃતદેહ મળી આવતાં ચકચાર મચી ગઈ છે. બુધવારે સવારે આ ઘટના અંગે જાણ થતાં જ વનતંત્રના અધિકારી સહિત જીવદયાપ્રેમીઓ ઘટના સ્થળ પર દોડી ગયા હતા. આ અંગે વનતંત્રની ટીમે માદા દીપડાના મૃતદેહને કબ્જે લઈ, મોતનું કારણ જાણવા પી.એમ.માટેની તજવીજ આરંભી છે. ઇડરીયા ગઢના ડુંગર પર રાજમહેલથી ઉપરની તરફ જતાં રસ્તામાં આવતા મહાકાલી મંદિરના પુજારી ભુપતસિંહે મંગળવારે મંદિર નજીકથી પસાર થતા ઝરણા પાસે દીપડાનો મૃતદેહ જોયો હતો. ઝરણામાં પાણી ભરવા ગયેલા પુજારીની નજર દીપડા પર પડતાં જ તેઓ પરત આવી ગયા હતા, અને બાદમાં નીચે ઉતરી આ ઘટના અંગે લોકોને વાત કરી હતી. જો કે જે તે વખતે લોકોએ પુજારીની વાત માની નહોંતી. બાદમાં આજે બુધવારે એક જીવદયા પ્રેમીએ પુજારીની વાત બાબતે સચ્ચાઈ જાણવા ઝરણા પાસે જઈ ખાતરી કરી તો દીપડો મૃત હાલતમાં પડયો હોવાનું જણાઈ આવ્યું હતું.

(5:46 pm IST)
  • વડાપ્રધાન શ્રી નરેન્દ્ર મોદીને મળેલી ભેટ સોગાદોથી ડ્રોઈંગ રૂમને સજાવવાની તક : 14 સપ્ટેમ્બરથી 3 ઓક્ટોબર 2019 દરમિયાન 2772 વસ્તુઓની ઓનલાઇન નીલામી : છેલ્લા 6 માસ દરમિયાન મળેલી ચાંદીની તલવાર ,મૂતિઓ , થ્રી ડી ઇમેજ ,સહીત દુર્લભ વસ્તુઓ વધુમાં વધુ કિંમત ચૂકવનારને અપાશે access_time 8:08 pm IST

  • ભારતીય સેનામાં પહેલીવાર સિપાહીના પદ માટે મહિલાઓની ભરતી :મોટી સંખ્યામાં યુવતીઓ ઉમટી પડી : ઉત્તર પ્રદેશ અને ઉત્તરાખંડમાં 4458 ઉમેદવારોએ પરીક્ષા આપી : સીમા સુરક્ષા દળ માફક ભારતીય સેનાએ મહિલાઓ માટે ભરતી કરવા નિર્ણંય : ભારે પ્રતિસાદ મળ્યો access_time 12:59 am IST

  • કાંગોમાં છ દિવસની શોધખોળ બાદ સૈન્ય ઓફિસર ગૌરવ સોલંકીનો મૃતદેહ મળ્યો :યુએન શાંતિ મિશન અંતર્ગત કાંગોમાં તૈનાત હતા લેફ્ટન્ટ કર્નલ સોલંકી :8 સપ્ટેમ્બરથી ચેંગેરા ટાપુ પાસે કિબુ લેકમાં ક્યાકીંગ કરવા ગયા હતા : તેઓના બાકીના સાથીદારોથી વિખુટા પડ્યા હતા access_time 1:09 am IST