Gujarati News

Gujarati News

News of Thursday, 12th September 2019

અમદાવાદના ખરાબ રસ્તાઓ અંગે તંત્રને ફટકારતા આઇ.કે.

અધિકારીઓ આ રોડ પર ચાલશે? કોન્ટ્રાકટરોની કોઇ જવાબદારી નહિ?

 ગાંધીનગરઃ આજે ભાજપના નેતા આઈ કે જાડેજાએ દ્વારા  અધિકારીઓને જગાડવાનો પ્રયાસ કરવામાં આવ્યો છે. રાજયમાં ભારે વરસાદ પડ્યો છે, અમદાવાદમાં પણ ભારે વરસાદના કારણે જાહેર રસ્તાઓની બિસ્માર હાલત થઇ ગઇ છે. ત્યારે આજે શહેરના બિસ્માર હાલતમાં માર્ગ મામલે જાડેજાએ ટ્વીટ કરીને  ચર્ચા જગાવી છે.

ભાજપના નેતા આઈકે જાડેજા દ્વારા ટ્વિટમાં અમદાવાદના બોપલ બ્રીઝથી શાંતિપુરા ચોકડી સુધીનો રસ્તો અત્યંત બિસ્માર હાલતમાં છે, તેની વાત કરી હતી. ઔડાના અધિકારીઓ આ રોડ પર ચાલશે? શું ઓવરબ્રીઝનું કામ કરી રહેલા કોન્ટ્રાકટરોની કોઈ જ જવાબદારી ઉપસ્થિત નથી થતી? જેવા વેધક સવાલો કરીને પ્રજાની સાથે નેતાઓએ પણ રોષ ઠાલવ્યો હતો.

 નવા મોટર વ્હીકલ હેઠળ વાહન ચાલકો પાસેથી મસમોટા દંડ વસૂલવામાં આવી રહ્યા છે, જેની સામે ગુજરાત સરકારની રસ્તાની કામગીરી સામે નારાજગી વ્યકત કરી રહ્યા છે. ભાજપના સિનિયર આગેવાન અને પૂર્વ મંત્રી આઈ.કે.જાડેજાએ ટ્વિટ કરીને બિસ્માર રસ્તાઓની પોલ ખોલી છે.

જો કે આઇ.કેના ટોણા, બાદ અધિકારીએ રસ્તાની મરામત માટે દોડતા થઇ ગયાનું જાણવા મળે છે.

(4:16 pm IST)
  • રાત્રે 10-30 વાગ્યે રાજકોટની ભાગોળે કુવાડવાથી નવાગામ વચ્ચે ધીમીધારે વરસાદ ચાલુ : access_time 11:09 pm IST

  • નવા મોટર વહિકલ એક્ટનો વિરોધ : બિહારના કટિહારમાં પ્લાસ્ટિકનો ડોલ માથામાં પહેરીને ચલાવાયું બાઈક ; પટનામાં પોલીસ અને પબ્લિક વચ્ચે ઘર્ષણ :પોલીસ પર પથ્થરમારો થયો : પોલીસ ભીડને વિખેરવા કર્યો લાઠીચાર્જ ફોટો katihar access_time 1:08 am IST

  • ભારતીય સેનામાં પહેલીવાર સિપાહીના પદ માટે મહિલાઓની ભરતી :મોટી સંખ્યામાં યુવતીઓ ઉમટી પડી : ઉત્તર પ્રદેશ અને ઉત્તરાખંડમાં 4458 ઉમેદવારોએ પરીક્ષા આપી : સીમા સુરક્ષા દળ માફક ભારતીય સેનાએ મહિલાઓ માટે ભરતી કરવા નિર્ણંય : ભારે પ્રતિસાદ મળ્યો access_time 12:59 am IST