Gujarati News

માંગરોળ:તાલુકાના વાલેસા ગામના પાટીયા પાસે ને.હા.નં.૪૮ પર મજુરો લઈ ઈંટ ભરવા જતા રોડ ઉપર ઉભેલા ટ્રેકટરની પાછળ પુરઝડપે આવેલા આઈસર ટેમ્પો ધડાકાભેર અથડાવી દેતા ટ્રેકટર નજીક ઉભેલા મજુર અને ટેમ્પાચાલક બંનેના સ્થળ પર મોત નીપજ્યા હતા. જ્યારે ટ્રેકટર ચાલક અને ૪ મજુરને ઈજા થતા સારવાર માટે સુરત સ્મીમેર હોસ્પિટલમાં દાખલ કર્યા છે.

મંગલવારે સવારે ટ્રેકટર (નં.-જીજે-૪-સીઆર-૮૬૧૨) ના ચાલક સુરેશભાઈ પોતાના ટ્રેકટરમાં ઈંટ ભરવાના મજુરો મહેશ ઈશ્વરભાઈ ઓડ (ઉ.વ.૨૧) જનકબેન ઉદેસીંગ ઓડ, ઈંદુબેન ભરતભાઈ ઓડ, સીતાબેન ઈશ્વરભાઈ ઓડ (તમામ રહે-મોટી નરોલી, વાણેસા પાટીયા, તા. માંગરોલ) ને બેસાડીને ઈંટો ભરવા જવાના હતા.