લૂંટેરી દુલ્હન :નવસારીની ગેંગે સુરતના યુવાનને શિકાર બનાવ્યો :ત્રણ મહિલા સહીત છ ઝડપાયા :

News of Friday, 12th July 2019

લૂંટેરી દુલ્હન :નવસારીની ગેંગે સુરતના યુવાનને શિકાર બનાવ્યો :ત્રણ મહિલા સહીત છ ઝડપાયા :

વહુને કુંવારી બતાવી તેની સાથે લગ્ન કરાવ્યા:1,35 લાખ ખંખેરી લીધા

સુરતમાં વધુ એક લૂંટેરી દુલ્હનનો કિસ્સો બહાર આવ્યો છે સુરતના એક યુવાન પાસે લગ્નના નામે લાખો રૂપિયા પડાવી લૂંટેરી દુલ્હન ભાગી ગઈ હતી. જો કે આ મામલે યુવાને પોલીસ ફરિયાદ કરતાં નવસારીની એક ગેંગ ઝડપાઈ ગઈ હતી. લગ્ન કરાવી આપવાની લાલચ આપીને પૈસા પડાવતી નવસારી ગેંગે સુરતમાં સલૂન ચલાવતાં એક યુવાનને શિકાર બનાવ્યો હતો. આ યુવાનને નવસારીની વહુને કુંવારી બતાવી તેની સાથે લગ્ન કરાવ્યા હતા. અને આ માટે 1.35 લાખ રૂપિયા પણ ખંખેરી લીધા હતા. જો કે, પૈસા મળી ગયા બાદ નવસારીની યુવતી સુરતથી ફરાર થઈ ગઈ હતી. નવી પરણેલી આવેલી વહુ ગાયબ થઈ જતાં સાસરિયાઓએ આ મામલે વહુ ગુમ થયાની ફરિયાદ નોંધાવી હતી. જે મામલે પોલીસે તપાસ કાર્યવાહી શરૂ કરતાં લૂંટેરી દુલ્હનની ગેંગનો પર્દાફાશ થયો હતો. ગેંગના 6 લોકોને પોલીસે ઝડપી પાડ્યા હતા, જ્યારે એક ફરાર થઈ ગયો હતો. ગેંગમાં 4 પુરુષ અને 3 મહિલાઓ સામેલ હતી. આ મામલે પોલીસે ગુનો નોંધી વધુ તપાસ હાથ ધરી છે.