Gujarati News

Gujarati News

News of Friday, 12th July 2019

સુરતના યુવાઓને ડ્રગ્સના રવાડે ચડાવવાના નેટવર્કનો પર્દાફાશ : 9,80 લાખના એમડી ડ્રગ્સની આપ-લે કરતા ત્રણ શખ્શો ઝડપાયા

સ્પેશિયલ ઓપરેશન ગ્રુપની ટીમને સફળતા :મુંબઈથી ડ્રગ્સ લઈને આવેલા સુરતના બે યુવાનો ફરાર

 

સુરતના યુવાધનને ડ્રગ્સના રવાડે ચડાવાના નેટવર્કનો પર્દાફાશ કરવામાં સ્પેશિયલ ઓપરેશન ગ્રુપની ટીમને સફળતા સાંપડી છે. ભાગા તળાવ, જે.કે. ચેમ્બર નજીક જાહેરમાં . 9.80 લાખની કિંમતના 196 ગ્રામ એમડી ડ્રગની આપ-લે કરતા ત્રણ શખ્શો ઝડપાયા છે  આ ડ્રગ મુંબઇથી સુરત પહોંચાડવામાં આવ્યું હોવાનું પોલીસની  તપાસમાં બહાર આવ્યું છે. મુંબઇથી ડ્રગ લઈ સુરત આવેલા બે યુવાન ફરાર છે.

 

  સુરતના સ્પેશિયલ ઓપરેશન ગ્રુપ ભાગા તળાવ નજીક કેટલાક યુવાનો ડ્રગ લેવા આવવાના છે તેવી બાતમીના આધારે  એસઓજીની ટીમે વોચ ગોઠવી હતી. જેમાં મોહંમદ જુનેદ અબ્દુલરજાક ચાંદીવાલા, ગુલામ સાબિર ઉર્ફે સમીર મોહંમદ સલીમ કુરેશી અને અશફાક અફઝલ કુરેશીને પકડી પાડ્યા હતા. ત્રણેય પાસેથી રૂપિયા 9.80 લાખની કિંમતનું મેફેડ્રોન (મેથાફેટામાઇન) એટલે કે એમડી ડ્રગ કબજે કરાયું છે.
  ઝડપાયેલું ડ્રગ્સ મુંબઇનો કોઇ યુવાન આપી ગયો હોવાનું પુછપરછમાં જાણવા મળ્યું હતું. મુંબઈથી આવેલા બે યુવાન હાલ ફરાર છે. મુંબઇથી આ રીતે એમડી ડ્રગ મગાવી સુરતમાં કોલેજિયન યુવાનોને નશાના રવાડે ચડાવાતા હતા. પોલીસે આ દિશામાં તપાસ કેન્દ્રીત કરી છે.જોકે પોલીસે આ ઘટનામાં 3 લોકોની ધરપકડ કરી છે અને 2 લોકોને પોલીસે વોન્ટેડ જાહેર કર્યા છે
   જોકે આ ઘટનામાં પકડાયેલા યુવાન મોઢા પર રૂમાલ બાંધી આ નશાનો કારોબાર કરતા હોવાનો વિડીયો પણ સોશિયલ મીડિયામાં વાઇરલ થયો હતો. આ અંગે પણ પોલીસે તપાસ હાથ ધરી છે. તથા સમગ્ર ગેંગમાં કુલ કેટલા માણસો અને મુંબઇથી કેવી રીતે ડ્રગ્સ લાવવામાં આવતું તે અંગે તપાસ હાથ ધરી છે

 

(12:21 am IST)
  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • આસામના ૧૭ જીલ્લામાં પુરપ્રકોપઃ૪ લાખ લોકો માઠી અવસ્થામાં : પૂર્વોતર રાજય આસામમાં ર૩ જીલ્લા પૈકી ૧૭માં પુરઃ ૪.ર૩ લાખ લોકોને માઠી અસરઃ આ લોકો સામે પાણી-ભોજનનું સંકટઃ ભારે વરસાદ-પુરથી ૩ ના મોતઃ ૧૧ જીલ્લાઓમાં પુરઃ ઠેરઠેર રાહત-શિબીરો ઉભી કરાઇ access_time 3:59 pm IST