Gujarati News

Gujarati News

News of Friday, 12th July 2019

રાજ્યમાં સેલ્સટેકસ, વેટ અને જીએસટીની ૪૮,૧૩૨ એકમો પાસેથી ૨૯,૫૬૦.૧૦ કરોડની વસુલાત બાકી

૬૩૯૩ એકમો પાસેથી જ રૂપિયા ૧૦ લાખ કરતાં વધારે ટેક્ષની વસુલાત બાકી

ગાંધીનગર : રાજયના તમામ જિલ્લાઓમાં સેલ્સટેકસ, વેટ અને જીએસટીની અંદાજે ૫૦ હજાર એકમો પાસેથી વસુલાત બાકી છે  રાજ્યમાં કુલ ૪૮૧૩૨ એકમો પાસેથી કુલ રૂપિયા ૨૯૫૬૦. ૧૦ કરોડની વસુલાત બાકી છે. જેમાં ૬૩૯૩ એકમો પાસેથી જ રૂપિયા ૧૦ લાખ કરતાં વધારે ટેક્ષની વસુલાત બાકી છે.

  વિધાનસભામાં પ્રશ્નોત્તરીમાં રાજયના વિવિધ એકમો પાસેથી સેલ્સટેકસ, વેટ અને જીએસટીની બાકી વસુલાત અંગે પ્રશ્ન પૂછવામાં આવ્યાં છે. તેનાં લેખિત જવાબમાં રાજય સરકાર દ્વારા જણાવવામાં આવ્યું છે કે સમગ્ર રાજ્યમાં કુલ ૪૮૧૩૨ એકમો પાસેથી કુલ રૂપિયા ૨૯૫૬૦. ૧૦ કરોડની વસુલાત બાકી છે. જેમાં રૂપિયા ૧૦ લાખ કરતાં ઓછી વસુલાતની પણ ગણતરી કરવામાં આવે તો સેલ્સટેકસ, વેટ અને જીએસટીની અંદાજે ૫૦ હજાર કરોડની વસુલાત બાકી છે. સમગ્ર રાજ્યમાં કુલ ૪૮૧૩૨ એકમો પાસેથી કુલ રૂપિયા ૨૯૫૬૦. ૧૦ કરોડની વસુલાત બાકી છે.

ગુજરાત રાજ્યમાં કુલ ૧૧ જિલ્લાઓમાં રૂપિયા ૧૦૦૦ કરોડ કરતાં વધારે સેલ્સટેકસ, વેટ અને જીએસટીની વસૂલાત બાકી છે. જેમાં વડોદરામાં ૭૩૭૭ એકમો પાસેથી રૂપિયા 6341.20 કરોડ તથા કચ્છમાં ૩૯૭૪ એકમો પાસેથી રૂપિયા 4569 કરોડની સેલ્સટેકસ, વેટ અને જીએસટીની વસૂલાત બાકી છે. સુરતમાં ૭૫૮૩ એકમ પાસેથી 4250.60 કરોડ, મોરબીમાં ૪૧૪૫ એકમો પાસેથી રૂપિયા 2766.60 કરોડ અને રાજકોટમાં ૫૫૬૦ એકમો પાસેથી રૂપિયા ૧૦૫૬. ૭૦ કરોડની વસુલાત બાકી છે. જ્યારે ચાર જિલ્લાઓમાં ૧૦ કરોડ કરતાં ઓછી વસુલાત બાકી છે. તેમાં મહેસાણા જિલ્લામાં ૧૨ એકમ પાસેથી સૌથી ઓછી ૧. ૧૩ કરોડની વસુલાત બાકી છે.

(8:31 pm IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST

  • જેડીએસનો આરોપ :સ્પીકર ઓફિસ પાસે હંગામો કરવા માટે ધારાસભ્યોને ઉશ્કેરે છે ભાજપના નેતા : જેડીએસના સત્તાવાર ટ્વીટર એકાઉન્ટ પર એક વિડિઓ જાહેર કર્યો :જેમાં એવો આક્ષેપ કરાયો કે ભાજપના નેતા સ્પીકરની ઓફિસ પાસે હંગામો કરવા ધારાસભ્યોને ભડકાવે છે access_time 1:07 am IST