Gujarati News

Gujarati News

News of Friday, 12th July 2019

અમદાવાદના ધોલેરામાં ગુજરાતનું સૌથી મોટુ એરપોર્ટ બનશેઃ ગુજરાત એરોસ્પેસ કોન્કલેવમાં જાહેરાત

અમદાવાદ :અમદાવાદમાં ગુજરાત એરોસ્પેસ કોન્ક્લેવ યોજાઈ હતી. જેમાં રાજ્ય અને કેન્દ્ર સરકારના ઉચ્ચ અધિકારીઓ ઉપસ્થિત રહ્યા હતા. કોન્ક્લેવમાં ધોલેરા સ્માર્ટ સિટી અંગે મોટી જાહેરાત કરવામાં આવી છે. જે મુજબ, ધોલેરામાં ગુજરાતનું સૌથી મોટું એરપોર્ટ બનશે. ધોલેરા પહોંચવા માટે મેટ્રોની સેવા પણ મળશે. તથા દેશી ત્રીજી ફાયરિંગ રેન્જ ધોલેરામાં શરૂ થશે. આમ, ત્રણ મોટી જાહેરાતોથી ધોલેરાના વિકાસને ચાર ચાંદ લાગશે.

હાલમાં દેશમાં પોખરણ અને બાલાસોરમાં ટેસ્ટિંગ રેન્જ છે, ત્યારે સૈન્ય-એરફોર્સના નવા શસ્ત્રોનું પરિક્ષણ ધોલેરામાં કરી શકાશે. કોન્ક્લેવમાં આવેલા ગુજરાત સરકારના ડિફેન્સ એન્ડ એરોસ્પેસના એડવાઈઝર એરમાર્શલ આર.કે.ધીરે જણાવ્યું કે, ઈન્ડિયન આર્મી અને ઈન્ડિયન એરફોર્સ રેન્જનો ઉપયોગ કરશે. તેનો ઉપયોગ પ્રાઈવેટ કંપનીઓ દ્વારા કરાશે, જેઓ સેના માટે હથિયારો બનાવશે. તેમના દ્વારા અહીં હથિયારોનું ટેસ્ટીંગ કરવામાં આવશે. ગુજરાત સરકાર માટે પ્રાથમિક મંજૂરી મળી ગઈ છે, જેના માટે પહેલેથી જમીન નક્કી કરી દેવાઈ હતી.

તો ધોલેરા ઈન્ડસ્ટ્રીયલ સિટીના મેનેજિંગ ડિરેક્ટર જયપ્રકાશ શિવહરેએ કહ્યું કે, ફાયરિંગ રેન્જ ધોલેરામાં બનશે તે ફાઈનલ છે. ઈન્ડિયન આર્મીની અરજી બાદ અમે રેન્જ વિકસાવી રહ્યાં છે. ગુજરાત સરકાર દ્વારા ઈન-પ્રિન્સીપલ અપ્રુવલ આપી દેવામાં આવ્યું છે. લગભગ 200 સ્કેવર કિલોમીટર વિસ્તારમાં રેન્જ વિકસાવવામાં આવશે.

ઉલ્લેખનીય છે કે, અમદાવાદથી 40 કિલોમીટર દૂર આવેલા ધોલેરા સ્પેશિયલ ઈકોનોમિક ઝોન (ધોલેરા સર) દેશનું પહેલુ સ્માર્ટ સિટી તરીકે વિકસીત કરવામાં આવનાર છે. જેના માટે કેન્દ્ર સરકારે 2486 કરોડ રૂપિયા મંજૂર કર્યા છે. ધોલેરામાં એરફોર્સ માટેની ખાસ એરસ્ટ્રીપ પણ તૈયાર થશે. તો ગુજરાતમાં ટાટા કંપની 4000 કરોડના રોકાણ સાથેનો ઇ-બેટરીનો પ્રોજેકટ પણ અહી શરૂ કરવાની છે. ધોલેરામાં સૌથી સસ્તી વીજળી પણ પૂરું પાડવાનું આયોજન કરવામાં આવનાર છે.

(5:07 pm IST)
  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST

  • અક્ષય સૌથી વધારે કમાણીકરનાર બોલિવુડ સ્ટાર છે : દુનિયાભરમાં એક વર્ષમાં સૌથી વધારે કમાણી કરનારા : સ્ટારોની યાદી જારી કરાઇ : ભારતથી માત્ર અક્ષરકુમાર સલમાન, આમીર, શાહરૂખ પાછળ રહી ગયા access_time 3:59 pm IST

  • જેડીએસનો આરોપ :સ્પીકર ઓફિસ પાસે હંગામો કરવા માટે ધારાસભ્યોને ઉશ્કેરે છે ભાજપના નેતા : જેડીએસના સત્તાવાર ટ્વીટર એકાઉન્ટ પર એક વિડિઓ જાહેર કર્યો :જેમાં એવો આક્ષેપ કરાયો કે ભાજપના નેતા સ્પીકરની ઓફિસ પાસે હંગામો કરવા ધારાસભ્યોને ભડકાવે છે access_time 1:07 am IST