Gujarati News

Gujarati News

News of Friday, 12th July 2019

ગાંધીનગર જિલ્લામાં બાતમીના આધારે પોલીસે છેલ્લા બે વર્ષમાં 10.50 કરોડ રૂપિયાનો દારૂ બિયરનો જથ્થો ઝડપ્યો હોવાનું સામે આવ્યું

ગાંધીનગર:ગુજરાતમાં દારૂબંધી હોવા છતાં પરપ્રાંતમાંથી મોટા પ્રમાણમાં વિદેશી દારૂનો જથ્થો ઘુસાડવામાં આવી રહયો છે જેને સ્થાનિક બુટલેગરો મારફતે સમગ્ર ગુજરાતના ખુણેખુણે વેચાણ કરવામાં આવી રહયો છે. ત્યારે પોલીસ દ્વારા આ દારૂને પકડવામાં આવતો હોય છે. ગાંધીનગર જિલ્લામાં જ છેલ્લા બે વર્ષ દરમ્યાન પોલીસે એક બે કરોડ નહીં પરંતુ ૧૦.૫૦ કરોડનો દેશી વિદેશી દારૂનો જથ્થો પકડયો છે. જેમાં પોલીસે ૬૩૮૬ લોકોની ધરપકડ કરી હતી અને હજુ ૧૫૪ લોકોને પકડવાના બાકી છે. આ દારૂ પૈકી ૬.૪૬ લાખનો ૩૨ હજાર લીટર દેશી દારૂ અને ૪પ લાખની ૪૫ હજાર જેટલી બિયરની બોટલો પણ કબ્જે કરવામાં આવી છે. 

ગાંધીના ગુજરાતમાં દારૂબંધી છે અને સરકાર પણ વખતોવખત દારૂબંધીના કાયદાને વધુ કડક બનાવી રહી છે તેમ છતાં ગુજરાતમાં પરપ્રાંતમાંથી મોટા પ્રમાણમાં વિદેશી દારૂનો જથ્થો ઘુસી રહયો છે. ગુજરાતમાં આ દારૂને પકડવા માટે પોલીસને સતત દોડાવવામાં આવી રહી છે જેના કારણે પોલીસનું મુળ કામ પણ થઈ શકતું નથી. જો અન્ય રાજયોની બોર્ડર ઉપર જ કડકાઈથી વાહનોનું ચેકીંગ કરવામાં આવે તો રાજયમાં દારૂની એક બોટલ પણ ઘુસી શકે તેમ નથી. 

(5:04 pm IST)
  • કન્નોજનો હૃદયદ્રાવક કિસ્સો : અનાજ માટે ટળવળતા બાળકની દશા સહન નહી થતા માંએ બાળકનું ગળુ દબાવીને હત્યા કરી નાખી :ભુખથી ટળવળી રહેલા બાળકોની ચીસોથી ક્ષુબ્ધ થયેલી માતાએ આ અત્યાંતીક પગલું ભર્યું :પોસ્ટ મોર્ટમમાં બાળકની હત્યાની પૃષ્ટી access_time 1:03 am IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • જેડીએસનો આરોપ :સ્પીકર ઓફિસ પાસે હંગામો કરવા માટે ધારાસભ્યોને ઉશ્કેરે છે ભાજપના નેતા : જેડીએસના સત્તાવાર ટ્વીટર એકાઉન્ટ પર એક વિડિઓ જાહેર કર્યો :જેમાં એવો આક્ષેપ કરાયો કે ભાજપના નેતા સ્પીકરની ઓફિસ પાસે હંગામો કરવા ધારાસભ્યોને ભડકાવે છે access_time 1:07 am IST