Gujarati News

Gujarati News

News of Friday, 12th July 2019

ઠાસરાની હોસ્પિટલમા ડોકટરો ટ્રેનિંગમાં જતા રહેતા દર્દીઓની હાલત કફોડી

ઠાસરા:શહેરની રેફરલ હોસ્પિટમાં ફરજ બજાવતા ડૉકટરો ટ્રેનીંગમાં જતા રહેતા દર્દીઓ મુશ્કેલીમાં મુકાયા હતા.હોસ્પિટલમાં ત્રણ ડૉકટરોની  મહેકમ સામે બે ફરજ બજાવે છે.આજરોજ બંને ડૉકટરો ટ્રેનીંગમાં જતા રહેતા દર્દીઓ કલાકો સુધી  બેસી રહેવાનો વારો આવ્યો હતો.

રેફરલ હોસ્પિટલમાં ફરજ પરના બંને ડૉકટરો ટ્રેનીંગમાં જતા રહ્યા હતા.જેથી દવા લેવા આવેલા દર્દીઓ રઝળી પડયા હતા.ત્રણ ડૉકટરોની મહેકમ સામે બે ડૉકટરો ફરજ બજાવે છે.જેમાં એક જનરલ વોર્ડ અનેબીજા ડેન્ટીસ્ટ વિભાગમાં ફરજ બજાવે છે.

આજરોજ નડિયાદ ખાતે ટ્રેનીંગ હોવાને કારણે બંને ડૉકટરો નડિયાદ જતા રહ્યા હતા.જેથી સવારથી દર્દીઓની લાંબી લાઇનો લાગી હતી.

(5:04 pm IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • ૧૪ કોંગી બળવાખોરો મુંબઈની હોટલમાં પાછા ફર્યા : ૨ દિ' વધુ રોકાશે : કર્ણાટકના ૧૪ બળવાખોર ધારાસભ્યો મુંબઈની હોટેલમાં પાછા ફર્યા, વધુ ૨ દિવસ રોકાય તેવી શકયતા access_time 1:12 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST