Gujarati News

Gujarati News

News of Friday, 12th July 2019

વડોદરા : આર્ટસ ફેકલ્ટીના ગુંબજનો કાટમાળ ન હટાવતા વિદ્યાર્થીઓને હાલાકી

વડોદરા:આર્ટસ ફેકલ્ટીના ઐતહાસિક ગૂંબજમાં કાણા પડવાના વિવાદ બાદ આર્કિઓલોજિકલ સર્વે ઓફ ઈન્ડિયા પાસેથી એમ.એસ.યુનિવર્સિટીના ગૂંબજના સમારકામ માટેનો કોન્ટ્રાક્ટ સત્તાધીશોએ પાછો લઈ લીધો છે પણ એ પહેલા સમારકામ દરમિયાન નીકળેલા કાટમાળના ઢગલા હજી પણ આર્ટસ ફેકલ્ટીમાં એની એ જ સ્થિતિમાં પડયા છે.

આર્ટસ ફેકલ્ટીના ગૂંબજ નીચેથી અવર જવર કરવાનો રસ્તો પણ સમારકામના ભાગરુપે છેલ્લા ૨ વર્ષથી બંધ કરી દેવામાં આવ્યો છે.જેના કારણે પણ વિદ્યાર્થીઓને ભારે હાલાકી પડી રહી છે.જોકે સૌથી મોટો મુદ્દો ફેકલ્ટીમાં પડેલા કાટમાળના ઢગલાનો છે.ઐતહાસિક ઈમારતોના કારણે સામાન્ય રીતે આકર્ષક લાગતુ આર્ટસ ફેકલ્ટીનુ કેમ્પસ હાલમાં ઠેર ઠેર કરાયેલા કાટમાળના ઢગલાના કારણે બદસૂરત દેખાઈ રહ્યુ છે.એટલુ જ નહી આ ઢગલાના કારણે વિદ્યાર્થીઓને અવર જવરમાં પણ તકલીફ પડી રહી છે.

(5:03 pm IST)
  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • કન્નોજનો હૃદયદ્રાવક કિસ્સો : અનાજ માટે ટળવળતા બાળકની દશા સહન નહી થતા માંએ બાળકનું ગળુ દબાવીને હત્યા કરી નાખી :ભુખથી ટળવળી રહેલા બાળકોની ચીસોથી ક્ષુબ્ધ થયેલી માતાએ આ અત્યાંતીક પગલું ભર્યું :પોસ્ટ મોર્ટમમાં બાળકની હત્યાની પૃષ્ટી access_time 1:03 am IST