Gujarati News

Gujarati News

News of Friday, 12th July 2019

ગુજરાતમાં સરેરાશ કુલ વરસાદનાં ર૪ ટકા જ વરસાદ થયો છેઃ હજુ બે-ત્રણ દિ' એંધાણ નથી

આજે સવારથી બે વાગ્યા સુધીમાં બારડોલીમાં અડધો ઇંચ, બાકી છૂટાછવાયા ઝાપટા : રાજકોટ જિલ્લામાં ૧ર.૬૯ ટકા, મોરબીમાં ૧૧.૩૯, જામનગરમાં ૧૩.ર૭, દ્વારકામાં ૬.૭ર ટકા

રાજકોટ, તા., ૧રઃ ગુજરાતમાં મોટા ભાગના વિસ્તારોમાંથી મેઘરાજાએ મ્હોં ફેરવી લેતા ચિંતાના વાદળો ઘેરાયા છે. જુલાઇ મહિનો અડધો વિતી ગયો છતાં સંતોષકારક વરસાદ થયો નથી. રાજયમાં દર વર્ષે થતા કુલ વરસાદનો માત્ર ર૪ ટકા વરસાદ જ નોંધાયો છે. વાવણીની દ્રષ્ટિએ ચિંતાની સ્થિતિ છે.

આજે સવારથી બપોરે ર વાગ્યા સુધીમાં દક્ષિણ ગુજરાતના બારડોલીમાં માત્ર અડધો ઇંચ વરસાદ થયો છે. તે સિવાય કયાંક કયાંક હળવા ઝાપટા પડયા છે. આજે કયાંય નોંધપાત્ર વરસાદના વાવડ નથી.

હવામાન ખાતાની વખતોવખતની આગાહી અશકય અથવા અર્ધસત્ય સાબીત થઇ છે. હવામાન ખાતાએ હજુ બે-ચાર દિવસ વાતાવરણ કોરૂધાકોડ રહેવાની આગાહી કરી છે. આ અઠવાડીયું પુરૂ થતા સુધીમાં કયાંય નોંધપાત્ર વરસાદના એંધાણ નથી. રાજકોટ જીલ્લામાં અત્યાર સુધીમાં ૧ર.૬૯ ટકા જ વરસાદ થયો છે. મોરબી જીલ્લામાં ૧૧.૩૯, જામનગરમાં ૧૩.ર૭,  પોરબંદરમાં ૧૪.૩૧, જુનાગઢમાં ર૦.૧ અને ગીર સોમનાથમાં ર૯.૮૦ ટકા વરસાદ નોંધાયો છે.ગયુ વર્ષ નબળુ વર્ષ હતું. સતત બીજા વર્ષે વરસાદની ખેંચ લેતા લોકોના જીવ તાળવે ચોટી ગયા છે.

(4:04 pm IST)
  • આસામના ૧૭ જીલ્લામાં પુરપ્રકોપઃ૪ લાખ લોકો માઠી અવસ્થામાં : પૂર્વોતર રાજય આસામમાં ર૩ જીલ્લા પૈકી ૧૭માં પુરઃ ૪.ર૩ લાખ લોકોને માઠી અસરઃ આ લોકો સામે પાણી-ભોજનનું સંકટઃ ભારે વરસાદ-પુરથી ૩ ના મોતઃ ૧૧ જીલ્લાઓમાં પુરઃ ઠેરઠેર રાહત-શિબીરો ઉભી કરાઇ access_time 3:59 pm IST

  • એર કેનેડાની ૨૮૪ મુસાફરો સાથેની ફલાઈટનું હોનાલુલુમાં ઈમરજન્સી લેન્ડીંગઃ ૩૫ યાત્રીકો ઘાયલ : એયર કેનેડાની ફલાઈટનું ખરાબ હવામાનના કારણે ઈમરજન્સી લેન્ડિંગઃ ૩૫ યાત્રીઓ ઘાયલઃ એયર કેનેડાની ફલાઈટનું હોનોલુલુમાં ઈમરજન્સી લેન્ડિંગઃ ટોરેન્ટોથી સિડની જતી ફલાઈટ AC 22માં ખરાબ હવામાને કારણે લેન્ડિંગ access_time 3:23 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST