Gujarati News

Gujarati News

News of Friday, 12th July 2019

ઉર્જા વિકાસ નિગમ દ્વારા રૂ. ર.૪૦ના યુનિટ લેખે એસ્સાર સાથે રપ વર્ષનો કરાર

ગાંધીનગર તા. ૧રઃ વિધાનસભામાં ઉર્જા મંત્રીએ જણાવેલ કે, ગુજરાત ઉર્જા વિકાસ નીગમ લી. દ્વારા તા. ર૬-૦ર-ર૦૦૭ના રોજ મે. એસ્સાર પાવર ગુજરાત સાથે વીજન ખરીદી માટે રૂ. ર.૪૦/- યુનિટ લેવાલાઇઝડ દરે રપ વર્ષ માટલેનો કરાર થયેલ છે. અત્રે ઉલ્લેખનીય છે કે લેવાલાઇઝડ દર એટલે બીડ દરમ્યાન બીડર દ્વારા વર્ષવાર દર્શાવવામાં આવેલ રપ વર્ષના ટેરીફની બીડ મૂલ્યાંકન સમયની નેટ પ્રેસન્ટ વેલ્યુ પ્રમાણેની ગણતરીના દર છે જે માત્ર બીડ મૂલ્યાંકન માટે ધ્યાનમાં લેવામાં આવે છે અને સૌથી ઓછો લેવાલાઇઝડ દર ધરાવતી કંપની પસંદગી પામે છે. જયારે પ્રોજેકટ કાર્યરત થયા પછી વીજ ખરીદી પૈકી ચુકવવા પાત્ર થતા વીજ દરની ગણતરી કરારમાં વર્ષ વાર દર્શાવેલ ટેરીફ પ્રમાણે કરવામાં આવે છે.

વીજ ખરીદ કરારમાં વીજ ઉત્પાદક દ્વારા દર્શાવેલ વીજ દર ''ચેન્જ ઇન લો'' મુજબ વિવિધ પરિબળો જેવા કે ટેકસ, કલીન એનર્જી સેસ, કસ્ટમ ડયુટી, જીએસટી વિગેરેના ફેરફારના કારણે થતા વધારા/ઘટાડા ને આધીન હોય છે જે વીજ નિયમન આયોગની મંજૂરી બાદ ગણતરીમાં લેવામાં આવે છે. વધુમાં પ્રોજેકટ ડેવલપર દ્વારા બીડમાં જે પરિબળોના ભાવ યુએસ ડોલરમાં ભર્યા છે, તે પરિબળોની ગણતરી યુએસ ડોલરના રેટમાં થતા ફેરફાર પ્રમાણે થાય છે અને તે પ્રમાણે વીજ દરની ચુકવણી કરવામાં આવે છે. આ કારણોસર, દર વર્ષે થતી ચુકવણીના દર અલગ હોય છે. ના. જી. તા. ૩૧-૦પ-ર૦૧૯ની સ્થિતિએ નાણાકીય વર્ષ ર૦૧૯-ર૦ (મે સુધીમાં) સરેરાશ રૂ. ૩.૧૩/યુનિટના દરે (પ્રોવિઝનલ) વીજ ખરીદી કરવામાં આવેલ છે. જયારે વર્ષ ર૦૧૭-૧૮ દરમ્યાન ખરીદવામાં આવેલ વીજળીનો સરેરાશ દર રૂ. ૩.૩૬/યુનિટ હતો.

(3:36 pm IST)
  • ગુજરાતની મુલાકાતે પધારેલા હિમાચલ પ્રદેશના મુખ્યમંત્રી જયરામ ઠાકુરે મુખ્યમંત્રી વિજયભાઇ રૂપાણી સાથે શુભેચ્છા મુલાકાત કરી access_time 9:11 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • જમ્મુ - કાશ્મીરના ક્રિષ્નાઘાટીમાં પાકિસ્તાન ભારે તોપમારો કરી રહ્યુ છે : પાકિસ્તાને ફરી એકવાર શસ્ત્ર વિરામનો ભંગ કરીને જમ્મુ કાશ્મીર નિયંત્રણ રેખા પાસેના ક્રિષ્નાઘાટી સેકટરમાં ભારે તોપમારો શરૂ કર્યાના અહેવાલ છે access_time 1:13 pm IST