Gujarati News

Gujarati News

News of Friday, 12th July 2019

અમિત જેઠવા હત્યા પ્રકરણના શાર્પશૂટર શૈલેષ પંડ્યા સામે કચ્છમાં મારામારીનો કેસઃ નામબદલીને રહેતો'તો

ભૂજ, તા. ૧૨ :. જૂનાગઢના આરટીઆઇ એકિટવિસ્ટ અમિત જેઠવા હત્યા પ્રકરણમાં આજીવન કારાવાસની સજા પામેલા શૈલેષ પંડ્યા વિરુદ્ઘ કચ્છમાં પણ ગુનો નોંધાઇ ચુકયો છે. નવેક વર્ષ પૂર્વે શૈલેષ પંડ્યા ભચાઉમાં નામ બદલીને રહેતો હતો.

તે ખાનગી કંપનીમાં સિકયુરિટી ગાર્ડ તરીકે નોકરી કરતો હતો ત્યારે તેની સામે મારામારી કરવા અંગે ગુનો નોંધાયો હતો. ભચાઉના ચોપડવા ગામે બનેલા મારામારીના બનાવ બાદ શૈલેષ પંડ્યા અન્ય ગુનામાં પાટણ એલસીબીના હાથે ઝડપાયો હતો ત્યારે ભચાઉમા પોતે નામ બદલાવીને નકલી નામે રહેતો હોવાની શૈલેશે કબુલાત કરી હતી. જે અંગે પાટણ પોલીસે ભચાઉ પોલીસને જાણ મરતા ભચાઉ પોલીસે શૈલેષ પંડ્યા વિરુદ્ઘના કેસમાં નકલી નામ દ્વારા પોલીસને ગેરમાર્ગે દોરવા અંગેની ફરિયાદ દાખલ કરી હતી.

અમિત જેઠવા હત્યા પ્રકરણમાં જયારે શૈલેષ ઝડપાયો ત્યારે ભચાઉ પોલીસે ટ્રાન્સફર વોરંટના આધારે શૈલેષનો કબ્જો મેળવી તેની પૂછપરછ કરી હતી.

(11:41 am IST)
  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST

  • જસ્ટીસ અકિલ કુરેશી સંદર્ભનો કેસ ૧૫ જુલાઈએ સુપ્રિમ કોર્ટના ચીફ જસ્ટીસ સાંભળશે : જસ્ટીસ અકિલ કુરેશીને મધ્યપ્રદેશ હાઈકોર્ટના ચીફ જસ્ટીસ બનાવવા અંગેની ગુજરાત હાઈકોર્ટ એડવોકેટ એસોસીએશનની અરજીની સુનાવણી ૧૫ જુલાઈએ મુખ્ય ન્યાયાધીશ રંજન ગોગોઈની અધ્યક્ષતાવાળી બેન્ચમાં થશે access_time 1:12 pm IST