Gujarati News

Gujarati News

News of Thursday, 12th July 2018

વડનગર નજીક રાત્રીના સુમારે ડમ્પર-ટ્રક વચ્ચે સર્જાયેલ અકસ્માતમાં ત્રણ મોતને ભેટ્યા

વડનગર: નજીક મંગળવારે રાત્રે સાડા નવ વાગ્યાના સુમારે ડમ્પર ટ્રક અને રિક્ષા વચ્ચે સર્જાયેલા ગમખ્વાર અકસ્માતમાં ત્રણ વ્યક્તિઓનું  મોત નિપજ્યું હતું. આ અંગે પોલીસે અકસ્માતનો ગુનો દાખલ કરી વધુ તપાસ હાથ ધરી છે. અકસ્માત સર્જાતા લોકોના ટોળેટોળા ઘટનાસ્થળે ઉમટી પડયા હતા.

 


વડનગર નજીક તોરણીયા વડથી શેખપુર જતા રોડ ઉપર ગત મોડીરાતે ઠાકોર મેરાજી ગીધાજી પોતાની રિક્ષામાં સગાસંબંધીઓને બેસાડી શેખપુર તરફ જઈ રહ્યા હતા. તે વખતે માર્ગમાં સામેથી પુરપાટ આવી રહેલ કપચી ભરેલી ડમ્પરના ટ્રકના ચાલકે એકાએક રિક્ષાને ધડાકાભેર ટક્કર મારી હતી.

જેમાં વડનગરના ઠાકોર રણજિતજી જ્યંતીજી (ઉ.વ.૧૮)નુ ઘટનાસ્થળ ઉપર જ કરૃણ મોત નીપજ્યું હતું. જ્યારે રિક્ષામાં બેઠેલા મુસાફરો પૈકી ઠાકોર મસુરબેન રેવાજી (ઉ.વ.૬૫) અને ઠાકોર હાર્દિક મેરાજી (ઉ.વ.૧૫)નુ સારવાર દરમિયાન મોત થયું હતું. આ ઘટના અંગે વડનગર પોલીસે અકસ્માતનો ગુનો દાખલ કરી કાયદેસરની કાર્યવાહી હાથ ધરી છે.

(5:59 pm IST)
  • બિહારમાં દારૂબંધી મામલે નીતીશકુમારની સરકારનો યુ ટર્ન :મકાન જપ્તી અને ધરપકડ મુદ્દે મળશે રાહત :દારૂબંધી કાયદામાં સંશોધન બિલને કેબિનેટે આપી મંજૂરી :ચોમાસુ સત્રમાં વિધાનસભામાં રજૂ કરાશે :જ્યાં પસાર થયા બાદ રાજ્યપાલની મંજૂરી માટે મોકલાશે ;સંશોધનમાં સામુહિક દંડની જોગવાઈને પણ રદ કારાઈ છે access_time 1:17 am IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • ખાંભાના નવા માલકનેશ વાડીની ઓરડી માં સુતેલી દીકરીને બચાવવા જતા વચ્ચે પડેલ દીકરીની માં પર દીપડા નો હુમલો.:મહિલાને સારવાર અર્થ ખાંભા હોસ્પિટલ ખસેડાઈ access_time 10:27 pm IST