Gujarati News

Gujarati News

News of Thursday, 12th July 2018

ગળતેશ્વરના રસુલપુરા-પડાલનો વે બ્રિજ ધોવાતાં લોકો ચિંતિત

ગળતેશ્વર: તાલુકાના બે ગામોને જોડતા બ્રિજની જર્જરીત હાલતના કારણે  ખેડુતો ચિંતીત બન્યા છે.આ બ્રિજ થકી જ ખેડૂતો તેમના ખેતરો સુધી પહોંચી શકે  છે.પરંતુ અત્યારે વરસાદને કારણે આ બ્રીજનું ધોવાણ થતા તેઓને ભારે હાલાકીનો સામનો કરવો પડી રહ્યો છે.

 


ગળતેશ્વર તાલુકાના રસુલપુરા પાસે આવેલ હરખોલ ગામનો બ્રિજ કે જેના પરથી રસુલપુરા અને પડાલ ગામના ખેડુતો પોતાના પશુધન લઇને ખેતરે જાય છે.ઉપરાંત આ બંને ગામોને જોડતો આ એક જ બ્રીજ છે. આ પુલના એક બાજુનો ભાગ ભારે વરસાદના કારણે ધીમે ધીમે ધોવાતો જાય છે. જો વધુ વરસાદ પડશે તો આ પુલ બેસી જવાની ભીતી ગ્રામજનોમાં સેવાઇ રહી છે. જેને કારણે આસપાસના ગામના ખેડુતો અને ગ્રામજનો ચિંતાતુર બન્યા છે.બંને ગામના ગ્રામજનોની હજારો વિધા જમીન આ જર્જરીત બ્રિજની નજીક આવેલી છે.જેના કારણે આ બ્રિજ ગ્રામજનો માટે જીવાદોરી સમાન છે.માટે જો પુલ તુટી જશે, પાણી ખેતરમાં જશે તો હજારો વિઘા જમીનના ઉભા પાકને નુકસાન થશે અને ખેડૂતોને આર્થિક નુકશાન વેઠવાનો વારો આવવાની ભીતી સેવાઇ રહી છે.

(5:59 pm IST)
  • પ્લાસ્ટિક પર પ્રતિબંધ બાદ યુપીની યોગી સરકારનો મોટો નિર્ણય :સ્વચ્છ ભારત મિશન માટે પ્લાસ્ટિક,પોલીથીન સહિતના ઉપયોગ પર પ્રતિબંધ બાદ આગામી 15મી ઓગસ્ટથી થર્મોકોલ અને બે ઓક્ટોબરથી તમામ ડિસ્પોઝેબલ પોલીબેગ્સના ઉપયોગ ઉપર પ્રતિબંધ મુકાશે access_time 1:18 am IST

  • નવસારી: ભારે વરસાદના કારણે નવસારી નેશનલ હાઇવે નંબર ૪૮ ઉપર ખારેલ ગામ પાસે કારને અકસ્માત નડ્યો : અકસ્માતમાં બે યુવાનોના ઘટના સ્થળે મોત access_time 8:02 pm IST

  • જસદણમાં દોઢ ઇંચ : આટકોટમાં 4 ઇંચ જેવો ધમધોકાર વરસાદ ખાબક્યો રાજકોટ : આજે બપોર બાદ રાજકોટ સહીત જિલ્લામાં મેઘમહેર થઇ છે જેમાં ગોંડલમાં એક ઇંચ અને જસદણમાં પણ દોઢ ઇંચ વરસાદ થયો છે જયારે આટકોટમાં ધોધમાર 4 ઇંચ જેવો વરસાદ પડ્યો છે ભારે વરસાદ થતા રસ્તાઓમાં પાણી વહી ગયા હતા access_time 8:53 pm IST