Gujarati News

Gujarati News

News of Thursday, 12th July 2018

પેટ્રોલ તથા ડીઝલથી ચાલતા વાહનોથી ફેલાતું પ્રદુષણ અટકાવો: CNG વાહનો ઉપર સબસીડી આપો: ગુજરાત હાઇકોર્ટમાં પર્યાવરણ મિત્ર NGO ની અપીલ

પેટ્રોલ તથા ડીઝલથી ચાલતા વાહનોથી ફેલાતું પ્રદુષણ અટકાવો: CNG વાહનો ઉપર સબસીડી આપો: ગુજરાત હાઇકોર્ટમાં પર્યાવરણ મિત્ર NGO ની અપીલ

અમદાવાદ:  પેટ્રોલ તથા ડીઝલથી ચાલતા વાહનોને કારણે ફેલાતા પ્રદુષણને અટકાવવા CNG વાહનો ઉપર સબસીડી આપવાની માંગણી કરતી અપીલ ગુજરાત હાઇકોર્ટમાં થઇ છે. આ મામલે ગુજરાત હાઈકોર્ટે સ્ટેટ ટ્રાન્સપોર્ટ કમિશનર અે ગુજરાત પોલ્યુશન બોર્ડને નોટિસ મોકલીને સબસિડી આપવી જઈએ કે નહીં તે અંગે જવાબ માગ્યોછે.

પર્યાવરણ મિત્ર નામની NGOએ વકીલ એન.એમ. કાપડિયા વડે આ અપીલ કરી હતી. તેમણે ગુજરાતમાં નવાં સીએનજી અને ઈલેક્ટ્રિક વાહનોની ખરીદીને પ્રોત્સાહન આપી શકાય તે માટે સબસિડી આપવા માટે દખલગીરી કરવા હાઈકોર્ટને કહ્યું હતું. અરજીમાં કહેવામાં આવ્યું કે જૂનાં ડીઝલ અને પેટ્રોલ વાહનોનો નિકાલ કર્યા બાદ નવું સીએનજી વાહન ખરીદતા હોય તેવા ગ્રાહકોને સબસિડી આપવી જોઈએ.

ઉપરાંત આ અપીલમાં 15 વર્ષ જૂનાં પેટ્રોલ વાહનો અને 10 વર્ષ જૂનાં ડીઝલ વાહનોને કાઢવા માટે ઑથોરિટીને દિશા સૂચવવા વિનંતી કરવામાં આવી. નોંધનીય છે કે ટ્રાન્સપોર્ટ કમિશનરે લિગલ નોટિસનો જવાબ આપ્યો કે 15 વર્ષ જૂનાં વાહનો પર પ્રતિબંધ લગાવવા માટે સરકાર વિચારણા કરી રહી છે. અરજીમાં કહેવામાં આવ્યું છે કે જે ગ્રાહકો જૂના વાહનનો નિકાલ કરીને સીએનજી વાહન ખરીદવાનું નક્કી કરે તેમને જીએસટી અને આરટીઓ ટેક્સમાં રાહત આપવામાં આવે. ઉપરાંત રાજ્યભરમાં વધુ સીએનજી પમ્પ સ્થાપવા માટે પ્રયત્નો કરવામાં આવે.

 

(11:03 am IST)
  • સુરત સચિન જીઆઇડીસી પોલીસ સ્ટેશન પાછળ ગોડાઉનમાં રખાયેલ EVM મશીન પાણી ડૂબ્યા:ગડાઉનમાં પાણી ઘુસ્યા access_time 10:03 pm IST

  • અમરેલી-ધારીના ખાડીયા વિસ્તારમાં ઇલેક્ટ્રિક શોકથી 2 બળદના મોત: વાડીએથી બળદગાડું લઈને આવતા ખેડૂતનો આબાદ બચાવ :બન્ને બળદના મોત થતા પી.જી.વી.સી.એલ.તંત્ર થયું દોડતું access_time 10:02 pm IST

  • ઉપરવાસમાં ધમધોકાર વર્ષા થતા, રાત્રે ૯ વાગ્યાથી રાજકોટની આજી નદીમાં આવ્યું ઘોડાપુર : વહી રહી છે બે કાઠે : નદીમાં પાણીનો ઘુઘવાટ જોવા લોકોના ટોળા ભેગા થયા : જુવો આજી નદીનો જલ્વો access_time 12:25 am IST