Gujarati News

Gujarati News

News of Thursday, 12th July 2018

ખેડાના નાઇકા અને ભેરાઇ ગામના લોકો તુટેલો બ્રિજ પાર કરીને જીવના જોખમે અવરજવર કરે છેઃ બ્રિજના કારણે એક કિલોમીટર અંતર કાપવા માટે ઘણા લોકોને ૧૦ કિલોમીટર સુધી ફરીને જવું પડે છે

ખેડાઃ રાજ્યના અનેક વિસ્‍તારોમાં નબળા કામ અંગે સરકાર સામે વારંવાર આક્ષેપ થાય છે ત્યારે ખેડા જિલ્લાના નાઇકા અને ભેરાઇ ગામના લોકો તૂટેલા બ્રિજના કારણે મુશ્કેલીનો સામનો કરી રહ્યા છે.

ખેડાના નાઈકા અને ભેરાઈ ગામના લોકો જીવના જોખમે દરરોજ તૂટેલો બ્રિજ પાર કરીને જાય છે. આટલું જ નહીં, સ્કૂલમાં ભણતા નાના-નાના વિદ્યાર્થીઓ પણ આ જોખમી રસ્તો ખેડીને દરરોજ સ્કૂલ જાય છે.

અહીંના લોકોનું કહેવું છે કે તૂટેલા બ્રિજને કારણે એક કિલોમીટર અંતર કાપવા માટે તેમણે 10 કિલોમીટર ફરીને જવું પડે, જે અત્યંત મુશ્કેલ છે. સ્થાનિકોના જણાવ્યા અનુસાર તેમણે સરકારને આ બાબતે અનેક વાર ફરિયાદ કરી છે. પરંતુ કોઈ જ પગલાં લેવામાં આવ્યા નથી.

અધિકારી આ લોકોની વાત સાંભળે છે, કામ કરવાનું વચન આપે છે પરંતુ એક છેડાથી સામેની બાજુ જવા માટે તેમની પાસે કેનાલ પરથી પસાર થવા સિવાય કોઈ બીજો રસ્તો નથી. ઉલ્લેખનીય છે કે નાઈકા અને ભેરાઈ ગામ વચ્ચે બનેલો આ પુલ લગભગ બે મહિના પહેલા તૂટી ગયો હતો.

ખેડાના કલેક્ટર આઈકે પટેલે સમારકામ વહેલી તકે શરુ કરાવવાનું આશ્વાસન આપ્યું છે. તેમણે કહ્યું કે, ટુંક સમયમાં કામ શરુ થઈ જશે. વરસાદને કારણે પુલ બનાવવાનું કામ શરુ કરવામાં નથી આવ્યું.

(5:58 pm IST)
  • નૌસેના વોર રૂમ લીકકાંડ મામલે નિવૃત કેપ્ટ્ન સલામસિંહ રાઠોડને સાત વર્ષની સખ્ત કેદની સજા ફટકારતી દિલ્હીની અદાલત :અદાલતે કહ્યું કે રાઠોડ કોઈપણ પ્રકારની નરમીને હક્કદાર નથી કારણ કે તેણે રાષ્ટ્રીય સુરક્ષા વિરુદ્ધ ગુન્હો કર્યો છે access_time 1:18 am IST

  • FIFA વર્લ્ડકપ ફાઇનલમાં પહોંચતું ક્રોએશિયા : ઇંગ્લેન્ડને 2-1 થી પરાસ્ત કર્યું : એક્સ્ટ્રા ટાઈમમાં વધુ 1 ગોલ કરીને ક્રોએશિયાએ જબબર જીત મેળવી : ઇંગ્લેન્ડના કરોડો ફૂટબોલ રસિકોમાં છવાયો માતમ : ક્રોએશિયાનાં ફેન્સમાં છવાયો દિવાળી જેવો આનંદનો માહોલ : ફ્રાન્સ સામે ફાઇનલ મેચમાં ટકરાશે ક્રોએશિયા access_time 2:19 am IST

  • અમરેલી-ધારીના ખાડીયા વિસ્તારમાં ઇલેક્ટ્રિક શોકથી 2 બળદના મોત: વાડીએથી બળદગાડું લઈને આવતા ખેડૂતનો આબાદ બચાવ :બન્ને બળદના મોત થતા પી.જી.વી.સી.એલ.તંત્ર થયું દોડતું access_time 10:02 pm IST