Gujarati News

Gujarati News

News of Wednesday, 12th June 2019

ડીસાના જુના નેસડા ગામ પાસે અકસ્માત ગ્રસ્ત અટિંગા ઝડપાઇ કારમાંથી ત્રણ મૃત હાલતમાં સહીત ડઝન બકરા મળતા ચકચાર

 

ભીલડી : બનાસકાંઠા જીલ્લામાં પશુધનની ખરીદી કરી કતલખાને મોકલી દેવાનો ગોરખધંધો વકરી રહ્યો છે. ત્યારે ડીસા તાલુકાના જુના નેસડા ગામ નજીકથી બકરાં ભરેલી વૈભવી અર્ટીગા ગાડી ઝડપાયા બાદ ગાડીમાંથી ત્રણ બકરાં મૃત હાલતમાં મળતાં ચકચાર મચી  છે.

  અંગે મળતી વિગત મુજબ  ડીસા તાલુકાના જુના નેસડા ગામના ત્રણ રસ્તા પાસે સફેદ રંગની અર્ટીગા ગાડી અકસ્માત ગ્રસ્ત હાલતમાં પડેલ હતી. ગાડીમાં બકરાં ભરેલ હોવાનું જણાતાં રોડ પરથી પસાર થઈ રહેલા પેપળુ ગામના વેરશીભાઈ નારણભાઈ નાઈએ મામલે ભીલડી પોલીનું ધ્યાન દોર્યુ હતું.

  ભીલડી પોલીસે ઘટના સ્થળે પહોંચી તપાસ કરતાં કાચના ઉપરના ભાગે ડાબી સાઈડે 'જય ગોગા' લખેલી નંબર પ્લેટ વગરની અર્ટીગા ગાડીને અકસ્માત નડ્યો હોઈ તેમ ગાડીનું આગળનું બમ્પર નજરે પડ્યુ હોતુ અને એન્જીન પણ બહાર નીકળી આવેલ હતું.તેમજ ગાડીના આગળનો ભાગ તુટેલ જણાયેલ હતો.

  પોલીસે ગાડીની તલાસી લેતાં તેમાંથી ત્રણ બકરાં મૃત હાલતમાં જ્યારે નવ બકરાં જીવીત હાલતમાં મળી આવતા પોલીસ પણ ચોંકી ઉઠી હતી. જાકે ગાડી બીન વારસી હાલતમાં મળેલ હોઈ પોલીસે અજાણ્યા ગાડી માલીક વિરૂધ્ધ ધોરણસરનો ગુનો દાખલ કરી તપાસની તજવીજ હાથ ધરી છે.

 

(9:45 pm IST)
  • પોરબંદરમાં નિચાણવાળા વિસ્તારો ખાલી કરાવાઈ રહ્યા છે : પોલીસ સહિત ટીમની કામગીરી ચાલુ access_time 12:41 pm IST

  • જામનગરમાં ગાજવીજ સાથે વરસાદ : આજે આખો દિવસ મિશ્ર વાતાવરણ રહ્યા બાદ બપોરે ગાજવીજ સાથે વરસાદ શરૂ થયો હતો. અને૨૦થી રપ મીનીટ વરસાદ વરસયો હતો. વાદળછાંયા વાતાવરણ સાથે વરસાદ શરૂ થતા વાતાવરણમાં ઠંડક પ્રસરી ગઇ હતી. access_time 4:06 pm IST

  • કચ્છ-સામખીયાળીમાં વાવાઝોડાની અસર શરૂ : શામખીયાળીમાં ભારે પવન ફૂંકાય છે : માંડવીના દરિયામાં કરંટ જોવા મળ્યો access_time 5:49 pm IST