Gujarati News

Gujarati News

News of Wednesday, 12th June 2019

અમદાવાદ શહેર હળવા વરસાદના ઝાપટા પડ્યા

રાણીપ, ચાંદખેડા, સાબરમતીમાં વર્ષા

અમદાવાદ, તા. ૧૨ : અમદવાદ શહેરના જુદા જુદા ભાગોમાં પણ મોડી સાંજે હળવો વરસાદ થયો હતો. સવારથી જ હવામાનમાં પલટો આવ્યો હતો અને વાદળછાયુ વાતાવરણ રહ્યું હતું. આજે મોડી સાંજે અમદાવાદ શહેરના રાણીપ, સાબરમતી, ગોતા, ચાંદખેડા, એસજી હાઈવે સહિતના વિસ્તારોમાં હળવો વરસાદ થયો હતો. દિવસ દરમિયાન ભારે ઉકળાટની સ્થિતિ રહી હતી. વહેલી સવારે પણ વરસાદી છાંટા પડ્યા હતા. એકાએક હવામાનમાં બદલાયેલી સ્થિતિ વચ્ચે આજે અમદાવાદમા પારો ૪૨.૭ ડિગ્રી રહ્યો હતો.

રાજ્યના અન્ય ભાગોમાં પણ ગરમીના પ્રમાણમાં આંશિક ઘટાડો થયો છે. જો કે, ભારે ઉકળાટના કારણે લોકો પરેશાન દેખાયા હતા. અમદાવાદ અને ગાંધીનગર માટે પણ ચેતવણી જારી કરવામાં આવી છે. ગાજવીજ સાથે અમદાવાદમાં વરસાદી માહોલ અકબંધ રહી શકે છે.

 

(9:03 pm IST)
  • કોંગ્રેસના કાર્યકરોને ખડેપગે રહેવા માટે રાહુલ ગાંધીની હાકલ : કોંગ્રેસ અધ્યક્ષ રાહુલ ગાંધીએ ટ્વીટ કરી જણાવ્યુ છે કે 'વાયુ' વાવાઝોડુ ગુજરાતના કિનારે પહોંચી રહ્યુ છે ત્યારે ગુજરાતના તમામ કોંગ્રેસ કાર્યકર્તાઓને અપીલ કરૂ છું કે વાવાઝોડાના રસ્તામાં આવતા તમામ વિસ્તારોમાં અસરગ્રસ્તોની મદદ માટે તૈયાર રહેજો : વાવાઝોડાથી અસર પહોંચનાર વિસ્તારોના તમામ લોકોની સુરક્ષા અને કલ્યાણ માટે પ્રાર્થના કરૂ છું access_time 5:52 pm IST

  • વાયુ વાવાઝોડું અપડેટ : રાજ્ય ના તમામ બંદર ઉપર લગાવાયા 9 નંબર નું સિગ્નલ : અતિ ભયજનક ગણાય 9 નંબર નું સિગ્નલ : પોરબંદર, જાફરાબાદ, વેરાવળ સહિત ના બંદર પર પણ ભયજનક 9 નંબર નું સિગ્નલ લગાવાયું : લોકો ને શાંતિ જાળવવા અને સાબદા રહેવા તંત્રની અપીલ access_time 8:14 pm IST

  • રાજકોટમાં વાદળો છવાયા : બફારો વધ્યો : ગઈકાલે બપોરે આંશિક વાદળો છવાયા બાદ આજે સવારથી ફરી વાદળોની જમાવટ : ભેજનું પ્રમાણ વધતાં શહેરીજનો પરસેવે નિતર્યા : સવારે ૬૬% ભેજ access_time 11:36 am IST