Gujarati News

Gujarati News

News of Wednesday, 12th May 2021

રાજપીપળામા મેડિકલ સ્ટોરના સંચાલક દ્વારા કોરોના કહેર વચ્ચે આયુર્વેદિક ઉકાળો અને માસ્કનું નિઃશુલ્ક વિતરણ

(ભરત શાહ દ્વારા) રાજપીપળા : રાજપીપળા સહિત જિલ્લામાં કોરોના સંક્રમણ વધતા હાલ અનેક સંસ્થાઓ અલગ અલગ પ્રકારે લોકઉપયોગી સેવકાર્યો કરી રહી છે જેમાં ભાજપના અગ્રણી અને મેડિકલ સ્ટોરના સંચાલક રાજેન્દ્ર ભાઈ પટેલ પણ હર હમેશ આવી વિકટ પરિસ્થિતિમાં લોકઉપયોગી કામો માટે સદાય હાજર હોય હાલમાં પણ રાજપીપળા સંતોષ ચાર રસ્તા પાસે આવેલા તેમના મેડિકલ સ્ટોર ખાતેથી દરરોજ આયુર્વેદિક ઉકાળો અને માસ્ક નું નિઃશુલ્ક વિતરણ કરતા હોય જેનો રાજપીપળા શહેર અને આસપાસના ગ્રામ્ય વિસ્તારના લોકો મોટી સંખ્યામાં લાભ લઇ રહ્યા છે. આજ દિન સુધી રાજેન્દ્ર પટેલ દ્વારા હજારો લીટર ઉકાળો વિતરણ કરવામાં આવ્યો છે.

 આ બાબતે રાજેન્દ્ર પટેલે જણાવ્યું હતું કે માનવ સેવા જેવું ઉત્તમ કાર્ય બીજું કોઈ નથી અને આવા કોરોના જેવા કપરા સમય માં જરૂરિયાતમંદ ને ઉપયોગી બનવું તેને હું મારું સૌભાગ્ય ગણું છું.

(11:22 pm IST)
  • કોરોના વાયરસના B.1.617 વેરિયન્ટને "ભારતીય સંસ્કરણ" કહેવાતા કેન્દ્રીય આરોગ્ય મંત્રાલયે બુધવારે કહ્યું હતું કે વિશ્વ આરોગ્ય સંગઠને (WHO) તેના દસ્તાવેજોમાં આ શબ્દ માટે ભારતીય શબ્દનો ઉપયોગ કર્યો નથી. મંત્રાલયે બી.1.617 વાયરસ વેરિયન્ટ માટે ભારતીય સંસ્કરણનો ઉપયોગ કરીને નિરાધાર અને પાયાવિહોણા મીડિયા અહેવાલોને નકારી કાઢ્યા છે, જેને માટે WHO એ તાજેતરમાં આ વેરિયન્ટને વૈશ્વિક ચિંતા કહી છે. access_time 9:53 pm IST

  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST

  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST