Gujarati News

Gujarati News

News of Wednesday, 12th May 2021

ટીંબી ગામ પાસે પોલીસ કોન્સ્ટેબલ પાસેથી લૂંટ કરવાનો નિષ્ફળ પ્રયાસ કરનારા 8 વિરૂદ્ધ પોલીસે ગુનો દાખલ કર્યો

(ભરત શાહ દ્વારા) રાજપીપળા : નાંદોદ તાલુકાના ટિમ્બિ ગામના પાટિયા પાસે મો.સા.લઈ જતા પોલીસ કોન્સ્ટેબલને લૂંટવાના ઇરાદે આવેલા કેટલાક લોકો વિરુદ્ધ આમલેથા પોલીસે ગુનો દાખલ કર્યો છે.

પ્રાપ્ત માહિતી અનુસાર સંજયભાઈ અરવિંદભાઈ વલવી આમલેથા પોલીસ સ્ટેશનમાં પોલીસ કોન્સ્ટેબલ તરીકે ફરજ બજાવતા હોય પો.સ્ટે.ખાતેથી પોતાની મો.સા. લઈને પ્રતાપનગર ગામે પેટ્રોલીંગમાં જતા હતા તે વખતે રાત્રીના સમયે ટીંબી ગામના પાટીયા પાસે સ્નેહલભાઈ વસાવા રહે.ગામકુવા જેના બાપના નામ જણાયેલ નથી તે તથા  શીવાભાઈ વસાવા રહે. ગામકુવા જેના બાપનું નામ જણાયેલ નથી તથા બીજા અન્ય છ લોકો (તમામ રહે. ગામકુવા )એ તેમની મો.સા. રોકી લાકડીથી બરડાના ભાગે માર મારી પેન્ટના ખિસ્સામાં રાખેલ રોકડા રૂપિયા તથા મોબાઈલ ફોનની લુંટ કરવાની કોશીષ કરી તેમની મો.સા. નં.જીજે .૧૬.બીડી .૩૩૮૪ ની ચાલુ કરીને તેના ઉપર બેસી ગામકુવા ગામ તરફ નાશવા લાગતા પો.કો. તથા જયેશભાઈ નારસીંગ ભાઈ તથા નિતીનભાઈ પારસીંગ ભાઈ એ તેમનો પીછો કરતા ગામકુવા ગામમાં જતા તેમની મો.સા. ને ઓવરટેક કરી રોકવાનો પ્રયત્ન કરતા તેઓ નાસી જતા આમલેથા પોલીસે ગુનો નોંધી તપાસ હાથ ધરી છે

(11:16 pm IST)
  • કોરોના વાયરસના B.1.617 વેરિયન્ટને "ભારતીય સંસ્કરણ" કહેવાતા કેન્દ્રીય આરોગ્ય મંત્રાલયે બુધવારે કહ્યું હતું કે વિશ્વ આરોગ્ય સંગઠને (WHO) તેના દસ્તાવેજોમાં આ શબ્દ માટે ભારતીય શબ્દનો ઉપયોગ કર્યો નથી. મંત્રાલયે બી.1.617 વાયરસ વેરિયન્ટ માટે ભારતીય સંસ્કરણનો ઉપયોગ કરીને નિરાધાર અને પાયાવિહોણા મીડિયા અહેવાલોને નકારી કાઢ્યા છે, જેને માટે WHO એ તાજેતરમાં આ વેરિયન્ટને વૈશ્વિક ચિંતા કહી છે. access_time 9:53 pm IST

  • બુધવારે દિલ્હી સહિત દેશના કોઈ ભાગમાં ઇદનો ચાંદ જોવા મળ્યો નથી, તેથી ઈદ-ઉલ-ફિત્રનો તહેવાર શુક્રવારે ઉજવવામાં આવશે અને 30 મુ અંતિમ રોજુ, ગુરુવારે થશે. ફતેપુરી મસ્જિદના શાહી ઇમામ મૌલાના મુફ્તી મુકર્રમે કહ્યું હતું કે ઈદનો ચાંદ દિલ્હી સહિત દેશના કોઈ પણ ભાગમાં જોવા મળ્યો નથી, તેથી ઇદનો તહેવાર 14 મે, શુક્રવારે ઉજવાશે. access_time 9:54 pm IST

  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST