Gujarati News

Gujarati News

News of Wednesday, 12th May 2021

સાગબારા તાલુકાની ઘટના : દબાણને વશ માતા પિતાએ મોકલેલ સગીરાને છોડાવતી અભયમ 181 મહિલા હેલ્પ લાઇન નર્મદા

(ભરત શાહ દ્વારા) રાજપીપળા : એક ત્રાહિત વ્યક્તિનો અભયમ 181મહિલા હેલ્પલાઇનમા કોલ આવેલ કે એક સગીરાને તેની ઈચ્છા વિરુદ્ધ તેના માતા પિતાએ મહારાષ્ટ્રમા મોકલી આપેલ છે જેને મદદ કરવા અપીલ કરતા અભયમ રેસ્ક્યુ વાન તાત્કાલિક પહોંચી સગીરાને સાગબારા પોલીસ સ્ટેશનમા સુપ્રત કરવામાં આવતા આગળ ની કાર્યવાહી પોલીસ તપાસ હેઠળ છે.

મળતી માહિતી મુજબ સાગબારા પાસેના એક ગામની 15 વર્ષ ની સગીરને તેના માતા પિતા એ લગ્ન કરવાનાં ઈરાદાથી મહારાષ્ટ્રમા મોકલી દેવામાં આવી હતી જ્યાં સગીરા સાથે મંગલ સૂત્ર પહેરાવી તેને દસ દિવસ પત્ની ના જેમ રાખવામાં આવેલ, સગીરા એ પોતાના માતા પિતા ને કોલ કરી તેની સાથે બળજબરી કરવામાં આવી રહી છે તેમ જણાવતા તેમણે કહેલ કે હવે તારે ત્યાં જ રહેવાનું છે જેથી મુંઝાયેલ સગીરાએ તેના માસીને કોલ કરી પોતાની વ્યથા જણાવી હતી જેથી સગીરાના માસી એ અભયમ 181મહિલા હેલ્પલાઇનમા સગીરાને છોડાવવા વિનંતિ કરતા અભયમ 181 મહિલા હેલ્પલાઇન ફક્ત ગુજરાત રાજ્ય પૂરતો કાર્યક્ષેત્ર હોવાથી મહારાષ્ટ્ર મા જઈ શકાય તેમ ના હોવાથી મુશ્કેલી હતી પરંતુ સગીરા અને તેના માસીને ફોન કરી સાંત્વના આપી હિમ્મત પુરી પાડી અને સગીરા ને ગુજરાત ની હદ શરૂ થાય ત્યાં સુધી બાઈક પર લાવવામાં આવેલ ત્યારબાદ અભયમ રેસ્ક્યુ વાનમા સાગબારા પોલીસ સ્ટેશન મા લાવી ગુનાની ગંભીરતની રજુઆત પોલીસ સમક્ષ કરવામાં આવી હતી જેથી પોલીસ દ્વારા આગળ ની કાર્યવાહી હાથ ધરવામાં આવી છે. પોતાને મદદ કરવા બદલ સગીરા અને તેના માસીએ અભયમ ટિમ નર્મદા નો આભાર માન્યો હતો.

(11:15 pm IST)
  • ફાર્મ હાઉસમાં દારૂની મહેફીલ ચાલતી હતી, ૯ નબીરા સહિત ૪ કોલગર્લ ઝડપાઇ : કોરોના કાળમાં આણંદમાં એક ખાનગી ફાર્મ હાઉસમાં મોડીરાતે દારૂની મહેફીલ માણતા ૯ નબીરા ઝડપાયા હોવાનું ટીવી અહેવાલો જણાવે છે. આ દરોડામાં ૪ કોલગર્લ પણ ઝડપાઇ હતી. access_time 3:00 pm IST

  • કોરોના વાયરસના B.1.617 વેરિયન્ટને "ભારતીય સંસ્કરણ" કહેવાતા કેન્દ્રીય આરોગ્ય મંત્રાલયે બુધવારે કહ્યું હતું કે વિશ્વ આરોગ્ય સંગઠને (WHO) તેના દસ્તાવેજોમાં આ શબ્દ માટે ભારતીય શબ્દનો ઉપયોગ કર્યો નથી. મંત્રાલયે બી.1.617 વાયરસ વેરિયન્ટ માટે ભારતીય સંસ્કરણનો ઉપયોગ કરીને નિરાધાર અને પાયાવિહોણા મીડિયા અહેવાલોને નકારી કાઢ્યા છે, જેને માટે WHO એ તાજેતરમાં આ વેરિયન્ટને વૈશ્વિક ચિંતા કહી છે. access_time 9:53 pm IST

  • રાજકોટ એસટી બસપોર્ટ સહિત ડિવિઝનના ૩૦૦ બસ રૂટ ૧૮ મે સુધી બંધ રાખવા વિભાગીય કચેરીનો નિર્ણય : કુલ ૯ ડેપોના કુલ ૫૦૦ રૂટમાંથી ૨૦૦ રૂટ હાલ કાર્યરત access_time 11:29 am IST