Gujarati News

Gujarati News

News of Wednesday, 12th May 2021

અમદાવાદની જેમ રાજકોટમાં પણ 'ડ્રાઈવ થ્રુ વેકસીનેશન' અભિયાન હાથ ધરવાની જરૂર

અમદાવાદમાં વ્યાપક પ્રતિસાદ મળતા વિવિધ વિસ્તારોમાં વિસ્તારાયું: સિનીયર સીટીઝન તથા દિવ્યાંગોને જબરી રાહત મળે છે

રાજકોટ, તા. ૧૨ :. ગુજરાત સહિત રાજ્યભરમાં હાલ વેકસીનેશનની કામગીરી પૂરજોશમાં ચાલી રહી છે. કોરોનાથી બચવા માટે વેકસીનેશન જ એક ઉપાય હોવાનું લોકોને ગળે ઉતર્યા બાદ મોટા પ્રમાણમાં લોકો વેકસીનેશન માટે બહાર આવી રહ્યા છે ત્યારે અમદાવાદમાં મ્યુ. કોર્પોરેશન દ્વારા ડ્રાઈવ થ્રુ વેકસીનેશન અભિયાન હાથ ધરવામાં આવ્યુ છે જેને ભારે સફળતા મળી છે અને સફળતા મળતા આ અભિયાનને શહેરના વધુ વિસ્તારોમાં વિસ્તારવામાં આવી રહ્યુ છે ત્યારે આવુ અભિયાન રાજકોટમાં પણ શરૂ કરવામાં આવે તેવી માંગણી ઉઠી છે.

અમદાવાદમાં પોતાના વાહન, રીક્ષા કે કારમાં આવીને બેઠા બેઠા જ કોવિડની રસી મેળવી શકાય છે. આ સેન્ટરો ખાતે જબરી લાઈનો પણ જોવા મળે છે અને લોકો મોટા પ્રમાણમાં તેનો લાભ પણ લઈ રહ્યા છે. આવુ અભિયાન રાજકોટમાં શરૂ થાય તો વેકસીનેશન સેન્ટર પરનો ભાર હળવો થાય એટલુ જ નહિ સિનીયર અને સિટીઝન અને દિવ્યાંગોને પણ ભારે રાહત મળે તેમ છે.

રાજકોટના શાસ્ત્રીમેદાન, રેસકોર્ષ, ચૌધરી હાઈસ્કૂલ વગેરે મેદાનો હાલ ખાલી છે ત્યાં આ પ્રકારે વ્યવસ્થા કરી શકાય તેમ છે. રાજકોટ મ્યુ. કોર્પોરેશને અમદાવાદ મ્યુ. કોર્પોરેશન પાસેથી પ્રેરણા લઈ આ પ્રકારનું અભિયાન રાજકોટમાં પણ શરૂ કરવા માંગણી ઉઠી છે.

(3:13 pm IST)
  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • કોરોનાથી રાજકોટ શહેરમાં આજે પણ થોડી રાહત અને ગ્રામ્ય વિસ્તારમાં આતંક આજે પણ યથાવત : આજે સાંજ સુધીમાં રાજકોટ શહેરમાં 286 અને ગ્રામ્યના 335 કેસ સાથે કુલ 621 નવા કોરોના ના કેસ નોંધાયા access_time 7:38 pm IST

  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST