Gujarati News

Gujarati News

News of Wednesday, 12th May 2021

તાપી જિલ્લામાં કોરોનાથી ૧પ,અન્ય રીતે ૯પ મૃત્યુ થયા

તુષાર ચૌધરીનું નિવેદન સત્યથી વેગળુઃ આરોગ્ય અધિકારી

રાજકોટ તા. ૧ર :.. તાપી જિલ્લામાં કોરોનાથી  એપ્રિલમાં ૧પ૦૦ મૃત્યુ થયાના નિવેદનને જિલ્લાના મુખ્ય આરોગ્ય અધિકારીએ સત્યથી વેગડુ ગણાવ્યું છે.

મુખ્ય આરોગ્ય અધિકારીએ યાદીમાં જણાવેલ કે તાપી જિલ્લામાં આજ સુધીમાં કોરોનાના કારણે ૧પ તથા કોરોના પોઝીટીવ હોય પણ અન્ય બીમારીના કારણે ૯પ મરણ નોંધાયેલ છે. પી. એમ. કેરમાંથી ફાળવેલ વેન્ટીલેટરનો કનેકટરના અભાવે ઉપયોગ થતો નથી. તે હકિકત સાચી નથી. જનરલ હોસ્પિટલના વેન્ટીલેટર ચાલુ હાલતમાં છે. વપરાશમાં ન હોવાથી અલગ રૂમમાં રાખેલ છે. જરૂર પડે ત્યારે તેનો ઉપયોગ કરી શકાશે.

(3:12 pm IST)
  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST

  • રાજકોટ એસટી બસપોર્ટ સહિત ડિવિઝનના ૩૦૦ બસ રૂટ ૧૮ મે સુધી બંધ રાખવા વિભાગીય કચેરીનો નિર્ણય : કુલ ૯ ડેપોના કુલ ૫૦૦ રૂટમાંથી ૨૦૦ રૂટ હાલ કાર્યરત access_time 11:29 am IST

  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST