Gujarati News

Gujarati News

News of Wednesday, 12th May 2021

વડોદરાની ગોત્રી હોસ્પિટલ ખાતે તબીબી પ્રાધ્યાપકોની હડતાલ : બહાર દેખાવો કર્યા

જુનિયર અને સિનિયર રેસીડન્ટ તબીબો ફરજ પર હાજર

વડોદરા સહિત રાજ્યના જીએમઈઆરએસ કોલેજના તબીબી પ્રાધ્યાપકો હડતાળ પર ઉતર્યા છે જેના ભાગરૂપે વડોદરાની ગોત્રી હોસ્પિટલ ખાતે ના તબીબી પ્રાધ્યાપકો હડતાલ પાડી છે અને હોસ્પિટલ બહાર દેખાવો કર્યા હતા.

ગુજરાત સરકાર પાસે પ્રધ્યાપક ઓ એ અવારનવાર તેમના પડતર પ્રશ્નોના ઉકેલ માટે માગણી કરી હતી તાજેતરમાં તેઓએ હડતાળ પાડવાની ચીમકી પણ આપી હતી અધ્યાપકોના પ્રશ્નોનો ઉકેલ નહિ આવતાં આજે તેઓએ હડતાલ પાડી દેખાવો કર્યા હતા. અને આજથી કોવિડની કામગીરી તબીબી પ્રાધ્યાપકોએ બંધ કરી હતી.

તબીબી પ્રાધ્યાપકો ગોત્રી જીએમઈઆરએસ હોસ્પિટલના ડીન ઑફિસ બહાર દેખાવો કર્યા હતા. સરકારી મેડિકલ કોલેજના પ્રાધ્યાપકોને મળતાં તમામ લાભો મળે તેવી છે માંગ કરવામાં આવી છે. તબીબો પ્રાધ્યાપકો હડતાળ પર જશે તો પણ કોરોના દર્દીઓની સારવારમાં કોઈ ફરક નહીં પડે કારણકે જુનિયર અને સિનિયર રેસીડન્ટ તબીબો ફરજ પર હાજર છે.

(1:05 pm IST)
  • બુધવારે દિલ્હી સહિત દેશના કોઈ ભાગમાં ઇદનો ચાંદ જોવા મળ્યો નથી, તેથી ઈદ-ઉલ-ફિત્રનો તહેવાર શુક્રવારે ઉજવવામાં આવશે અને 30 મુ અંતિમ રોજુ, ગુરુવારે થશે. ફતેપુરી મસ્જિદના શાહી ઇમામ મૌલાના મુફ્તી મુકર્રમે કહ્યું હતું કે ઈદનો ચાંદ દિલ્હી સહિત દેશના કોઈ પણ ભાગમાં જોવા મળ્યો નથી, તેથી ઇદનો તહેવાર 14 મે, શુક્રવારે ઉજવાશે. access_time 9:54 pm IST

  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • પશ્ચિમ બંગાળના હાબરા ખાતે વધુ એક ભારતીય જનતા પક્ષના કાર્યકર ઉપર હુમલો થયો છે. માતા અને પરિવારનો ચમત્કારિક બચાવ થયો હતો. મકાનમાં થયેલી ભાંગફોડ અને હેબતાઈ ગયેલ પરિવાર નજરે પડે છે. ટ્વિટર ઉપર વાયરલ થયેલ વિડિયો access_time 12:34 am IST