Gujarati News

Gujarati News

News of Monday, 12th April 2021

સુરતમાં હૈયું હચમાવતો કોરોના : 11 દિવસના માસુમ બાળકને કોરોનાનો ચેપ :જીવ બચાવવા રેમડેસીવીર ઇન્જેક્શન અપાયું

માતાને શરદી ખાંસી જેવા લક્ષણોને કારણે ટેસ્ટ કરાવતા નેગેટિવ આવ્યો : ફરીવાર ટેસ્ટ કરતા પોઝીટીવ : બાળકનો એક્સરે કરાવતા તબીબો આશ્ચર્યમાં મુકાયા : બાળકની સારવાર શરૂ

સુરત : દેશમાં કોરોનાની બીજી લહેર લોકો માટે ઘાતક બની રહી છે સંક્રમણ સતત વધી રહ્યું છે. જેમાં હવે નાના બાળકો પર કોરોનાં પોઝિટિવ આવી રહ્યા છે. આવી જ એક ઘટના સુરતમાં બની છે. જેમાં 11 દિવસનું બાળક કોરોના સંક્રમિત થયું છે. આ બાળકનો જીવ બચાવવા માટે તેને રેમેડીસીવર ઇન્જેક્શન આપવાની જરૂર પડી હતી.

 માહિતી અનુસાર સુરતની ડાયમંડ હોસ્પિટલમાં પહેલી એપ્રિલના રોજ એક બાળકનો જન્મ થયો હતો. જન્મના થોડા દિવસ બાદ બાળકની એકાએક તબિયત બગડતા ડૉક્ટરને શંકા ગઈ હતી. જેથી તેમણે બાળકનો એક્સ-રે કરાવ્યો હતો. જેમાં તેને કોરોના સંક્રમણનો ચેપ લાગ્યો હોવાનું જણાય આવતા આશ્ચર્યમાં મુકાયા હતા. મહત્વનું છે કે માતાને શરદી અને ખાંસી જેવા લક્ષણો હતાં. માતાએ કોવિડ ટેસ્ટ કરાવ્યો હતો પણ તે નેગેટિવ આવ્યો હતો. જેના કારણે તેણે વધુ ગંભીરતા લીધી ન હતી. ફરી વખત માતાનો ટેસ્ટ કરાવતા પોઝિટિવ રિપોર્ટ આવ્યો હતો.

જોકે માતાએ ડોક્ટરને પોતે શરદી ખાંસીને કારણે તકલીફમાં છે એ અંગેની કોઈ માહિતી આપી ન હોવાથી ડોક્ટર અજ્ઞાનતામાં રહ્યા હતા. સુરત ડાયમંડ હોસ્પિટલમાં નોન કોવિડ હોવા છતાં બાળકની સારવાર શરૂ કરી છે.બાળકના પરિવારને આર્થિક ભરણ અને હેરાનગતિ ન ભોગવવી પડે માટે  નિર્ણય લીધો છે.

(11:34 pm IST)
  • રેડીઝ લેબમાં બની રહેલ સ્પુતનિક-ફાઇવ દસ દિ'માં બજારમાં મળતી થઇ જશે ? ઓકટોબર સુધીમાં બીજી ૪ વેકસીનને મંજુરી અપાશે : અત્યારે હાલમાં કોવિશીલ્ડ અને કોવેકિસન બે રસી ઉપલબ્ધ છે : ડો. રેડીના સહયોગ થી રશીયાની સ્પુતનીક પછી, બાયોલોજીકલ ઇના સહયોગથી જહોનસન એન્ડ જહોનસનની રસી, સીરમ ઇન્સ્ટીટ્યુટની નોવા વૈકસ, ઝાયડસ કેડીલાની રસી જેની લાંબા સમયથી રાહ જોવાઇ રહી છે, તથા ભારત બાયોટેકની ઇન્ટ્રાનેજલ વેકસીનનો સમાવેશ થાય છે ઓકટોબર સુધીમાં આ બધી વેકસીનને ઇમર્જન્સી ઉપયોગ માટે મંજૂરી આપવા સાથે મળતી થઇ જશે જ્યારે કોરોનાની ત્રીજી લહેર આવવાનો સંભવ હોવાનું મનાય છે. access_time 4:07 pm IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:51 pm IST

  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST