Gujarati News

Gujarati News

News of Monday, 12th April 2021

પતિ ઘર ખર્ચ ન આપતો હોવાની 181 ને ફરિયાદ બાદ નિવારણ

વ્યસની પતિને કાયદાની સમજ આપી તેમજ પત્નીનું પણ કાઉન્સેલિંગ કરી સમસ્યાનું નિરાકરણ કર્યું

(કાર્તિક બાવીશી દ્વારા ) વલસાડના એક ગામમાં રહેતા દંપતી નો ઝગડો 181 અભયમ મહિલા હેલ્પ પાસે આવ્યો હતો. જેમાં પતિ ઘરખર્ચના આપતો હોય અને ખોટી રીતે હેરાન કરતો હોવાની ફરિયાદ પત્નીએ કરતા 181 ની ટીમે તેમની ઘરે પહોંચી સમસ્યાનું નિરાકરણ કરાવ્યું હતું.
વલસાડ તાલુકાના એક ગામમાં રહેતી મહિલાએ 181 પર ફોન કરી જણાવ્યું કે તેના સાત વર્ષ અગાઉ પ્રેમ લગ્ન થયા હતા ત્યારબાદ થોડા સમય પછી તેમના પતિએ તેમના પર ખોટી શંકા રાખી તેમને હેરાન કરવાનું શરૂ કર્યું હતું. તેમના પતિ ખોટા વ્યસને ચડી ગયા હતા અને તમામ ખર્ચ તેમાં જ કરતા તેમજ ઘર ખર્ચ માટે તેઓ પૈસા આપતા ન હતા. જેનાથી તેઓ જ નહીં પરંતુ તેમના ઘરના તમામ સભ્ય હેરાન થઈ જતાં તેમણે આ મામલે અભયમ મહિલા હેલ્પલાઇન ને ફરિયાદ કરી હતી. આ ફરિયાદ મળતા 181 અભયમ મહિલા ની ટીમે તેમના ઘરે પહોંચી વ્યસની પતિને કાયદાની સમજ આપી તેમજ પત્નીનું પણ કાઉન્સેલિંગ કરી સમસ્યાનું નિરાકરણ કર્યું હતું.

(9:04 pm IST)
  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST

  • જુનાગઢના ધારાસભ્ય ભીખાભાઇ જોશીને કોરોના પોઝિટિવ આવ્યો : ધારાસભ્યએ કરી જાહેરાત : હોમકોરોન્ટાઇન થયા access_time 11:23 pm IST

  • કલેકટરના પીઍ જીતેન્દ્ર કોટક અને તેમના આખા પરિવારને કોરોના વળગ્યો : મહેકમના કારકૂન બકોતરા પણ કોરોનાગ્રસ્ત : આખી કચેરીમાં ફફડાટ : આજથી તા. ૩૦ સુધી તમામ જનસેવા કેન્દ્ર અને પુરવઠાની ચારેય ઝોનલ કચેરી બંધ કરવા કલેકટરનો આદેશ : સમરસ હોસ્ટેલમાં ફોન અને કન્ટ્રોલ રૂમ માટે શિક્ષકોને ડ્યુટી : વધુ ૩ સ્થળે ૧૨૫ બેડ વધારાયા access_time 12:10 pm IST