Gujarati News

Gujarati News

News of Friday, 12th April 2019

રાધનપુર પાલિકામાં ટાઉન પ્લાનર 10 હજારની લાંચ લેતા ઝડપાયા

કોન્ટ્રાકટર પાસેથી 30 હજારની માંગણી કરતા 20 હજાર અગાઉ અપાયેલ બાકીના 10 હજાર લેતા રંગેહાથ ઝડપાયા

રાધનપુર નગરપાલિકા કચેરીમાં ટાઉન પ્લાનર 10 હજારની લાંચ લેતા ઝડપાયા હતા. કુલ 30 હજારની માંગણી કરી હતી જેમાં 20 હજાર અપાયેલ  જ્યારે બાકીના 10 હજારની રકમ લેતાં રંગેહાથે ઝડપાઈ ગયો છે.   

   રાધનપુર નગરપાલિકાની બાંધકામ પરમિશન બાબતે ટાઉન પ્લાનર રણછોડ ગજ્જરે કોન્ટ્રાકટર પાસેથી કુલ 30 હજાર રૂપિયા લાંચ પેટે માંગ્યા હતા. જેમાં અગાઉ કોન્ટ્રાક્ટરે 20 હજાર આપ્યા બાદ આજે ગુરૂવારે 10 હજાર રૂપિયા આપવાના હતા. હકીકતે જાગૃત કોન્ટ્રાકટર લાંચ આપવા ઈચ્છતા ન હોવાથી એસીબીનો સંપર્ક કર્યો હતો.

    જેમાં ટાઉન પ્લાનર નગરપાલિકા કચેરીની અંદર જ હાથોહાથ રૂ.10 હજાર લાંચ પેટે લેતા રંગેહાથે ઝડપાઈ ગયો હતો. પાલિકા કચેરીની અંદર જ એસીબીની સફળ રેડને પગલે પંથકમાં ખળભળાટ મચી ગયો છે. લાંચ કેસને પગલે રાધનપુર શહેર અને તાલુકાભરની સરકારી કચેરીઓના લાંચીયા કર્મચારીઓમાં ફફડાટનું વાતાવરણ છવાઈ ગયું છે.

    અત્રે ઉલ્લેખનીય છે કે, ઝડપાયેલ રણછોડ સી. ગજ્જર નામનો કર્મચારી અગાઉ પણ અનેક વિવાદોમાં આવી ચુક્યો છે. સૂત્રોનું કહેવું છે કે, એસીબીના હાથે ચડેલ આ ટાઉન પ્લાનર કર્મચારી લાંચ સિવાય કોઈ કામ કરવામાં માનવતો ન હતો. કોઈપણ કામ કરાવવું હોય તો આ કર્મચારીને લાંચનો નૈવેધ ધરાવવો પડતો હતો.

સ્થાનિક સુત્રોએ જણાવ્યું હતું કે, આરોપી રણછોડ ગજ્જરે સરકારી પગારમાં સ્વીફ્ટ કાર, ટ્રેક્ટર, બે પાણીના બોર, 10 વીઘા જમીન સહિતની અઢળક સંપત્તિ કેવી રીતે ભેગી કરી તેવા અનેક સવાલો ઉભા થયા છે.

(9:16 pm IST)
  • વડાપ્રધાન નરેન્‍દ્રભાઇ મોદી આગામી ૧૭ અેપ્રિલનાં રોજ ગુજરાતની મુલાકાતે : હિંમતનગર, સુરેન્‍દ્રનગર અને આનંદમાં જનસભાઓ સંબોધશે access_time 11:57 pm IST

  • જેટ એરવેઝ પાસે ૧૫ એપ્રિલ સુધી ૬ થી ૭ વિમાની સેવા ઓપરેટ કરી શકે તેટલું જ નાણાં ભંડોળ બચ્યું હોવાનું નાગરિક ઉડ્ડયન મંત્રાલયે જણાવ્યું છે.:વડાપ્રધાનશ્રીની ઓફીસ જેટ ક્રાઇસીસ ઉપર નજર રાખી રહી છે. અને પીએમઓએ જેટ એરવેઝમાં સર્જાયેલ કટૉકટી અંગે ઇમરજન્સી બેઠક બોલાવી છે. access_time 9:07 pm IST

  • ચેન્નઇમાં આયકરના મોટા પાયે દરોડાઃ ચેન્નઇઃ ચેન્નઇમાં આજ સવારથી પીએસકે કન્સ્ટ્રકશન ગ્રુપ ઉપર ઇન્કમટેક્ષના મોટાપાયે દરોડાઃ આ ગ્રુપ ડીએમકેનું ટેકેદાર હોવાનું જાણવા મળે છેઃ દરોડાની કાર્યવાહીથી ડીએમકે લાલઘુમ access_time 11:38 am IST