Gujarati News

Gujarati News

News of Tuesday, 12th February 2019

બોરસદના જુના બદલપુરમાં વીજ ચેકીંગ માટે ગયેલ ટિમ પર જીવલેણ હુમલો કરી જાનથી મારી નાખવાની ધમકી આપનાર વિરુદ્ધ ગુનો દાખલ

બોરસદ: તાલુકાના જુના બદલપુર ગામે આજે બપોરના સુમારે વીજ ચેકીંગ માટે ગયેલી એમજીવીસીએલની ટીમ પર હુમલો કરીને ઈલેક્ટ્રીક આસીસ્ટન્ટને માર મારી જાનથી મારી નાંખવાની ધમકી આપતાં અંગે વીરસદ પોલીસે ગુનો દાખલ કરીને તપાસ હાથ ઘરી છે. 

પ્રાપ્ત વિગતો અનુસાર વડોદ ખાતે રહેતા અને એમજીવીસીએલમાં ઈલેક્ટ્રીક આસીસ્ટન્ટ તરીકે ફરજ બજાવતા ફરિયાદી ગોવિંદભાઈ ધુળજીભાઈ ભગોરા, જુની. એન્જિનિયર સહિતની ટીમ જુના બદલપુર ગામના નરસિંહપુરા ક્ષેમકલ્યાણી વિસ્તારમાં રહેતા ભયલાલભાઈ બેચરભાઈ ઠાકોરને ત્યાં વીજચેકીંગ માટે ગયા હતા. જ્યાં વીજ ચેકીંગ કરતા હતા ત્યારે ભયલાલભાઈ આવી ચઢ્યા હતા અને તમે મને પુછ્યા વગર કેમ વીજ ચેકીંગ કરો છો તેમ જણાવીને ગોવિંદભાઈની ફેટ પકડી લીઘી હતી અને થાપોટ મારી દીધી હતી. ત્યારબાદ જો ફરીથી તમે કે તમારા માણસો વીજ ચેકીંગ માટે મારા ઘરે આવ્યા તો રાઈ-રાઈ જેવા ટુકડા કરી નાંખીશ તેવી ધમકી આપી હતી. 

 

 

(6:15 pm IST)
  • અગસ્તા વેસ્ટલેન્ડ મામલો :વકીલને મળી શકશે ક્રિશ્ચિયન મિશેલ :કોર્ટે આપી મંજૂરી :વિશેષ ન્યાયાધીશ અરવિંદકુમારએ રોઝમેરીને તિહાડ જેલમાં સોમવારથી શુક્રવાર સુધી અડધો કલાક સામાન્ય મુલાકાતીની માફક મળવાની અનુમતિ આપી access_time 1:12 am IST

  • લોકસભા ચૂંટણીને લઈને કોંગ્રેસમાં ભારે સળવળાટ : આશાબેન પટેલના રાજીનામા બાદ : આશાબેનના પક્ષ પલટાથી આક્રોશિત પાટીદારોના નવા નેતા લોકસભા ચૂંટણીમાં ઉતરવાની તૈયારીમાં : એ.જે. પટેલની સાથે તુષાર પટેલ પણ કરે છે ચૂંટણી લડવાની તૈયારી : મહેસાણા ડિસ્ટ્રીકટ બેંકમાં ડાયરેકટર છે તુષાર પટેલ access_time 3:52 pm IST

  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST