Gujarati News

Gujarati News

News of Tuesday, 12th February 2019

વડોદરાના વાઘોડિયામાં બંધ મકાનમાં તસ્કરોએ સવા બે લાખની મતાની તસ્કરી કરી

વડોદરા:વાઘોડિયા રોડ દેવાશિષ ડુપ્લેક્ષમાં રહેતો પરિવાર સોમનાથ ગયા હતા. તે દરમિયાન તસ્કરો બંધ મકાનના તાળા તોડીને સોના ચાંદીના દાગીના તથા રોકડા રૃપિયા મળીને સવા બે લાખની, મત્તા ચોરી ગયા હતા.

અંગેની વિગત એવી છે કે ડભોઈ-વાઘોડીયા રીંગ રોડ પર દેવાશિષ ડુપ્લેક્ષમાં રહેતા દક્ષેશ પ્રભુદાસ પટેલ સારાભાઈ કંપાઉન્ડમાં આવેલી જેકોલ્સમાં સુપરવાઈઝર તરીકે નોકરી કરે  છે. ગત ૮મી તારીખે તેઓ પરિવાર સાથે સોમનાથ ગયા હતા.  દરમિયાન તેમના તેમના બંધ મકાનના મુખ્ય દરવાજાનું ઈન્ટરલોક તોડીને તસ્કરો ઘરમાંથી સોનાની ત્રણ ચેન, ફેન્સીમાળા, ત્રણ વીંટીઓ, બે જોડ બુટ્ટીઓ, પેન્ડલ, ચાંદીના  પાયલ, વિગેરે દાગીના તથા રોકડા રૃપિયા ૩૫ હજાર મળીને કુલ રૃપિયા ૨,૨૨,૫૦૦ની મત્તા ચોરી ગયા હતા. જે અંગે પાડોશીએ જાણ કરતા દક્ષેશ પટેલ સોમનાથથી પરત આવ્યા હતા. અને ચોરીની ફરિયાદ પાણીગેટ પોલીસ સ્ટેશનમાં નોંધાવી હતી. પોલીસે તસ્કરોનું પગેરૃ મેળવવા માટે ડોગ સ્કવોર્ડ અને  ફિંગર પ્રિન્ટ એક્ષપર્ટની મદદ લીધી હતી.

(6:10 pm IST)
  • સાગરદાણના ભાવમાં વધારો : દુધ સાગર ડેરીએ સાગરદાણના ભાવમાં વધારો કર્યોઃ સાગરદાણના ભાવ ૧૧૦૦થી વધારીને ૧૧૫૦ કરાયાઃ ૭૦ કિલોની સાગરદાણ બોરીમાં રૂ.૫૦નો ભાવવધારો કરાયોઃ ભાવ વધારો આજથી લાગુ થશે access_time 11:12 am IST

  • રાજકોટ : ખૂબ વિવાદિત થયેલ સંવિધાન બચાવો ની કાલે રાજકોટમાં યોજાનારી રેલી અંગે સભાને આખરે પોલીસ તંત્રની મંજૂરી. શાસ્ત્રી મેદાન ખાતે યોજાશે સભા. સભા સ્થળ અંગે બે દિવસથી ચાલતી હતી ખેંચતાણ. અંતે શાસ્ત્રી મેદાન આપવા માટે તંત્ર તૈયાર. જડબેસલાક સુરક્ષા વ્યવસ્થા ગોઠવાશે. access_time 10:51 pm IST

  • ચંદ્રબાબુ નાયડુના ઉપવાસ પૂર્ણ : પૂર્વ પીએમ દેવગૌડાએ કરાવ્યા પારણા :વિપક્ષી નેતાઓ થયા એકજુથ :ચંદ્રાબાબુ નાયડુએ રાત્રે 8,20 કલાકે પોતાના એક દિવસના ઉપવાસ ખત્મ કર્યા હતા access_time 1:07 am IST