Gujarati News

Gujarati News

News of Tuesday, 12th February 2019

એઈમ્સનું ખાતમુહુર્ત લોકસભાની ચૂંટણી પછીઃ મોદીનો રાજકોટનો કાર્યક્રમ નથી

રાજકોટ, તા. ૧૨ :. ભારત સરકારે રાજકોટને એઈમ્સ ફાળવવાની ગયા મહિને જાહેરાત કરી છે. તેનુ ખાતમુહુર્ત લોકસભાની ચૂંટણી પહેલા જ થઈ જાય તેવી ધારણા હતી પરંતુ સરકાર અને ભાજપના ટોચના વર્તુળો તે શકય બનવાનુ નકારે છે. એઈમ્સ માટે જામનગર રોડ પર જમીનની મંજુરી અને સંપાદન તેમજ પ્લાનને લગતી પાયાની કામગીરી બાકી છે. આ બધી કામગીરી આચારસંહિતા લાગુ પડે તે પૂર્વે પુરી થઈ શકે તેમ નથી તેથી એઈમ્સનું ખાતમુહુર્ત લોકસભાની ચૂંટણી પછી જ કરવાનું નક્કી થયાનું જાણવા મળે છે. જો કે ભાજપના અમુક આગેવાનો હજુ યુદ્ધના ધોરણે કામગીરી પુરી કરાવી ચૂંટણી જાહેર થતા પૂર્વે ખાતમુહુર્ત કરાવવા ઈચ્છુક છે.

વડાપ્રધાન શ્રી નરેન્દ્રભાઈ મોદી ફેબ્રુઆરી અંત અને માર્ચના પ્રારંભે ગુજરાત આવી રહ્યા છે. જામનગર જિલ્લામાં સરકારી યોજના સંબંધી તેમનો કાર્યક્રમ ગોઠવાઈ રહ્યો છે. રાજકોટમાં તેમનો કોઈ કાર્યક્રમ હોવાનું ભાજપના વર્તુળો નકારે છે. ચૂંટણી જાહેર થઈ ગયા પછી રાજકોટમાં તેમની પ્રચાર સભા થાય તેવી શકયતા નકારાતી નથી.

(3:15 pm IST)
  • ભૂપેન હઝારિકાના પુત્રએ ભારત રત્ન લેવા કર્યો ઇન્કાર :ભાઈએ કહ્યું હું તેમાં સહમત નથી :ભૂપેન હઝારિકાના મોટા ભાઈ સમર હઝારિકાએ કહ્યું કે ભારત રત્ન પાછો આપવાનો નિર્ણંય તેના પુત્રનો હોય શકે છે પરંતુ હું તેમાં સહમત નથી access_time 1:07 am IST

  • ટીએમસી ધારાસભ્યની હત્યા મામલે આરોપી મુકુલ રોયે આગોતરા જમીન અરજી કરી :મુકુલ રોયના વકીલ શુભાશિષ દાસગુપ્તાએ કહ્યું કે આગોતરા જમીન અરજી જસ્ટિઝ જોયમાંલયો બાગચીની અધ્યક્ષતાવાળી ખંડપીઠ સમક્ષ સુનાવણી માટે આવશે તેવી આશા છે access_time 1:07 am IST

  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST