Gujarati News

Gujarati News

News of Tuesday, 12th February 2019

દાહોદ જિલ્લા પ્રાથમિક શિક્ષક સંઘ દ્વારા કંબોઇ ગામે ધરણા કાર્યક્રમ

વિદ્યાસહાયકોની સળંગ નોકરી સહિતની પડતર માંગણીઓને લઈને વિરોધ પ્રદર્શન

દાહોદ જિલ્લા પ્રાથમિક શિક્ષક સંઘ દ્વારા 1997થી ભરતી થયેલ બાલગુરુ વિદ્યાસહાયકોની સળંગ નોકરી સહિતની પડતર માંગણીઓને લઈને લીમખેડાના કંબોઈ ગામે શિક્ષકો દ્વારા ધરણાં કાર્યક્રમ યોજવામાં આવ્યો હતો જેમાં મોટી સંખ્યામાં શિક્ષકો હાજર રહ્યા હતા.

  રાજ્ય સરકાર દ્વારા 1997થી શિક્ષણ વિભાગમાં શિક્ષકોની પાંચ વર્ષ સુધી ફીક્સ પગારથી ભરતી કરવામાં આવી હતી જે ભરતી થયેલા શિક્ષકો માંથી રાજય સરકાર દ્વારા 2006 થી ભરતી થયેલ શિક્ષકોની નોકરી સળંગ ગણવાની જાહેરાત અગાઉ કરવામાં આવી હતી.

  પરંતુ 1997 થી વિદ્યાસહાયક તરીકે ભરતી થયેલા શિક્ષકોને સરકાર દ્વારા સળંગ નોકરી નહિ કરતા જીલ્લા સહિત રાજયભરના શિક્ષકોએ સરકાર સામે નારાજગી વ્યક્ત કરીને જીલ્લાના મામલતદાર, કલેક્ટર સહિત જીલ્લા સાંસદ અને ધારાસભ્યોને આવેદનપત્ર આપવામાં આવેલ હોવા છતા કોઈ નિરાકરણ નહિ આવતા દાહોદ જીલ્લાના શિક્ષકોએ પડતર માગણીઓને લઈને લીમખેડા તાલુકાના કંબોઈ ગામે ધરણાંનો કાર્યક્રમ યોજવામાં આવ્યો હતો.

જેમાં સમગ્ર જીલ્લામાંથી મોટી સંખ્યામાં શિક્ષકો હાજર રહ્યા હતા અને જો સરકાર તેઓની માંગણીઓ નહિ સ્વીકારે તો આગામી સમયમાં ઉગ્ર આંદોલન કરવાની ચિમકી પણ ઉચ્ચારી હતી, હવે જોવાનું એ રહેશે કે સરકાર ક્યારે શિક્ષકોની પડતર માગણીઓનો ઉકેલ લાવે છે.

(7:58 pm IST)
  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST

  • તમામ બુથમાં VVPAT ગોઠવવા PIL: હાઈકોર્ટમાં ફેંસલો આવવા સંભાવના: ચૂંટણીપંચનો આદેશ છતાં હજુય VVPAT ઉપલબ્ધ ન હોવાનો દાવો : આ લોકસભા ચૂંટણીમાં તમામ ઈવીએમને VVPAT સાથે જોડવાની માંગ access_time 11:17 am IST

  • મુંબઇમાં ૩૮ કરોડના કોકેન સાથે ચાર વિદેશીની ધરપકડ access_time 3:23 pm IST