Gujarati News

આણંદ:લોકલ ક્રાઈમ બ્રાન્ચ પોલીસે આજે સાંજના સુમારે ગામડી ગામના સરદાર આવાસમાં રહેતા એક બુટલેગરને ત્યાં છાપો મારીને મોંઘા ભાવની વિદેશી દારૂની બોટલોમાં સસ્તો દારૂ ભરીને વેચવાનું એક રેકેટ ઝડપી પાડ્યું છે. પોલીસે ૧.૩૭ લાખ ઉપરાંતની કિંમતનો વિદેશી દારૂ સાથે અલગ-અલગ બ્રાન્ડની ૪૬૦ જેટલી ખાલી બોટલો પણ જપ્ત કરીને પકડાયેલા શખ્સ વિરૂધ્ધ પ્રોહીબીશન ધારાની જુદી-જુદી કલમો હેઠળ ગુનો દાખલ કરીને કાર્યવાહી હાથ ઘરી છે. 

પ્રાપ્ત વિગતો અનુસાર એલસીબી પોલીસને હકીકત મળી હતી કે, ગામડી ગામના સરદાર આવાસમાં રહેતો સુરજ ઉર્ફે છોટુ પરબતસિંહ સોલંકી મોટાપાયે વિદેશી દારૂનું વેચાણ કરે છે જેના આધારે પોલીસે છાપો મારતાં સુરજ ઉર્ફે છોટુ ઝડપાઈ જવા પામ્યો હતો.