Gujarati News

મહેમદાવાદ: તાલુકાના સરસવણીમાં આવેલ પ્રાથમિક શાળા તેમજ આંગણવાડીમાં ત્રાટકેલા તસ્કરોએ રૂ.૧૪,૦૫૦ ની ચોરી કરી હોવાની ફરીયાદ પોલીસમાં નોંધાઈ છે. 
મળતી માહિતી મુજબ મહેમદાવાદ તાલુકાના સરસવણીમાં આવેલ પ્રાથમિક શાળામાં રાત્રિ દરમિયાન તસ્કરો ત્રાટક્યાં હતાં. અને મધ્યાહન ભોજનની રૂમનું તાળુ તોડ્યું હતુ. સાથે સાથે બાજુમાં આવેલી આંગણવાડીને પણ નિશાન બનાવી હતી. અને ત્યાં પણ ચોરી કરી હતી. આ બંને ઠેકાણે થઈ તસ્કરોએ ઘઉંના ત્રણ કટ્ટા, ચોખાના નવ કટ્ટા, તુવેરનો એક કટ્ટો, તેલના આઠ ડબ્બા અને ગેસના છ બોટલ મળી રૂ.૧૪,૦૫૦ ની ચોરી કરી ફરાર થઈ ગયા હતા.