Gujarati News

Gujarati News

News of Saturday, 12th January 2019

ડીસા શાકમાર્કેટમાં છૂટક વેપારી અને શેષ ઉઘરાવતા કર્મચારી વચ્ચે મારામારી :

યાર્ડના સત્તાધીશોએ જાણ કરતા ડીવાયએસપી સહિતનો કાફલો દોડ્યો :ત્રણ કલાક બાદ મામલો થાળે પડ્યો

ડીસાના વી.જે.પટેલ શાકમાર્કેટમાં છૂટક વેપારી અને શેષ ઉઘરાવતા કર્મચારી વચ્ચે મારામારી થતા દોડી આવેલા અન્ય વેપારીઓએ ભારે હંગામો મચાવ્યો હતો. બાદમાં દોડી આવેલી પોલીસે મધ્યસ્થી કરતા ત્રણ કલાક બાદ મામલો માંડ થાળે પડયો હતો.

   આ અંગે જાણવા મળતી વિગત મુજબ વેપારી મથક ડીસાના શાકમાર્કેટમાં વહેલી સવારે એક છૂટક વેપારી શાકભાજી ખરીદી દરવાજા આગળ શેષ આપવા ઉભો હતો. તે દરમ્યાન દરવાજા પાસે બેઠેલા કર્મચારી અને વેપારી વચ્ચે બોલાચાલી થતા મામલો વણસતા મારામારી થઈ હતી. જેથી વેપારીને ઈજા થતા સારવાર અર્થે ખસેડાયો હતો. જેની જાણ થતા વેપારીઓના ટોળેટોળા ઉમટી પડયા હતા અને દરવાજા બંધ કરી હોબાળો મચાવ્યો હતો. જેમને પોલીસે રોકતા તેમની સાથે ધકકામુકી કરી હતી.

 માર્કેટયાર્ડના સત્તાધીશોએ પોલીસને જાણ કરતા ડી.વાય.એસ.પી. સહિત પોલીસ કાફલો દોડી આવ્યો હતો અને વેપારીઓ અને કર્મચારીઓને સમજાવી ત્રણ કલાક બાદ મામલો માંડ થાળે પાડયો હતો.

(12:15 pm IST)
  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST

  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST