Gujarati News

Gujarati News

News of Saturday, 12th January 2019

સાત મહિનામાં સીએનજીના ભાવમાં પાંચ રૂપિયાનો વધારો : અમદાવાદમાં રિક્ષાચાલકોના ધરણા :આવેદનપત્ર આપ્યું

અમદાવાદ :શહેરમાં છેલ્લા સાત માસમાં સીએનજીના ભાવમાં પાંચ રૂપિયાના થઇ ગયેલા ભાવ વધારાના વિરોધમાં રિક્ષા ચાલકોએ કલેક્ટર કચેરીના પ્રાંગણમાં ધરણા-સૂત્રોચ્ચાર કર્યો હતો. ઉપરાંત તેઓની વિવિધ માંગણીઓને લઇને કલેક્ટરને આવેદનપત્ર આપ્યું હતું.

  શહેરમાં રિક્ષા સ્ટેન્ડનો અભાવ, પોલીસની બિનજરૂરી હેરાનગતિ, હોમગાર્ડ અને ટીઆરબીના જવાનોની કાગળીયા ચેક કરવાની સત્તા ન હોવા છતાંય તેઓ પૈસા પડાવવા હેરાનગતિ કરતા હોવાની મુખ્ય ફરિયાદો કરાઇ હતી.

  આ અંગે અમદાવાદ રિક્ષા ચાલક એકતા યુનિયનના પ્રમુખ વિજય મકવાણાના જણાવ્યા મુજબ પોલીસની હેરાનગતિથી પાલનપુરમાં રિક્ષા ચાલકે આત્મદાહ કર્યો છે. આટલી હદે થતી હેરાનગતિ બંધ કરીને રિક્ષાચાલકો સાથે ગુનેગારોની જેમ વર્તવું ન જોઇએ. બિનજરૂરી ખોટી કલમો લગાવવાની બંધ કરવી જોઇએ

(10:32 pm IST)
  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST

  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST