Gujarati News

Gujarati News

News of Friday, 11th January 2019

આણંદમાં ધમધમતા જુગારધામ પર પોલીસના દરોડા: 16હજારના જથ્થા સાથે 4ની ધરપકડ

આણંદ:શહેર પોલીસે આજે બપોરના સુમારે નાની ખોડીયાર વિસ્તારમાં આવેલી એક સોસાયટીમાં છાપો મારીને ચાર શખ્સોને પત્તા પાનાનો જુગાર રમતાં ઝડપી પાડીને રોકડા ૧૬૨૭૦ જપ્ત કરીને કાર્યવાહી હાથ ઘરી છે. જો કે મુખ્ય સૂત્રધાર ફરાર થઈ જવામાં સફળ રહ્યો હતો. 

પ્રાપ્ત વિગતો અનુસાર શહેરમાં પેટ્રોલીંગ કરી રહેલી સર્વેલન્સ ટીમને હકીકત મળી હતી કે. સત કૈવલ સોસાયટીમાં રહેતો સામતભાઈ દામજીભાઈ પ્રજાપતિ પોતાના મકાનમાં માણસો એકત્ર કરીને પત્તા પાનાનો જુગાર રમાડી રહ્યો છે જેથી પોલીસે છાપો મારતાં સામતભાઈ પ્રજાપતિ પોલીસને જોઈેન ફરાર થઈ જવા પામ્યો હતો. 

સ્થળ પરથી ગોવિંદભાઈ મધાભાઈ ઉર્ફે મગનભાઈ પ્રજાપતિ, કરશનભાઈ કરમશીભાઈ પ્રજાપતિ, દેવકરણભાઈ સવાભાઈ પ્રજાપતિ તથા ધનજીભાઈ હરજીભાઈ પ્રજાપતિ ઝડપાઈ જવા પામ્યા હતા. પોલીસને દાવ પરથી ૧૩૯૦ તેમજ અંગજડતીમાંથી ૧૪૮૮૦ મળીને કુલ ૧૬૨૭૦ની રોકડ મળી આવતા જપ્ત કરી હતી.

(5:23 pm IST)
  • અમદાવાદ : કોંગ્રેસ દ્વારા વી.એસ. બચાવો અભિયાન :વી.એસ. હોસ્પિટલના ખાનગીકરણનો કોંગ્રેસ દ્વારા વિરોધ :પ્રદેશ પ્રમુખ અમિત ચાવડાની આગેવાનીમાં કોચરબ આશ્રમથી વી.એસ. સુધી પદયાત્રા યોજશે access_time 10:47 pm IST

  • માત્ર 15 દિવસમાં ઉખેડી નાખશું મધ્યપ્રદેશ સરકાર ;ઉપરથી સિગ્નલ મળવાની રાહ છે : કૈલાશ વિજયવર્ગીય :કૈલાશ વિજયવર્ગીયે કાર્યકરોને કહ્યું કે આ ( મધ્યપ્રદેશ )સરકાર પાંચ વર્ષ ચાલનારી નથી ,જે દિવસે ઉપરથી સિગ્નલ મળી ગયું,15 દિવસની અંદર ઉખેડી નાખશું,તમે ચિંતા ના કરો ':ભાજપના નેતાનો આ વિડિઓ વાયરલ થતા ખળભળાટ મચી ગયો છે access_time 1:21 am IST

  • પોતાને 'ડાકુ' કહેનાર જબલપુરની સરકારી શાળાના શિક્ષકને કોંગી મુખ્યમંત્રી કમલનાથએ માફ કર્યો : દરેકને વાણી સ્વાતંત્ર્યનો અધિકાર : તેમછતાં શિક્ષકનું કામ વિદ્યાર્થીઓના ઘડતરનું હોવાથી બોલવામાં વિવેક રાખવો જરૂરી હોવાની ટકોર કરી : શિક્ષકને પરત નોકરીમાં લઇ લેવા સૂચના આપી access_time 7:25 pm IST