Gujarati News

Gujarati News

News of Friday, 11th January 2019

ગોધરાના મહુલિયા ગામ પાસે ડમ્પરે સાયકલને અડફેટે લેતા શાળાઅે જતા બે વિદ્યાર્થીઓને ઇજા, ૧નું મોત

ગોધરાઃ ગુજરાતમાં માર્ગ અકસ્માતની ઘટનાઓ દિવસેને દિવસે વધતી જાય છે. જેમાં અનેક લોકો પોતાનો જીવ ગુમાવતા હોય છે. આવી જ એક ઘટના ગોધરાના મહુલિયા ગામે પાસે બની હતી. શાળાએ જતાં બે સાયકલ સવારને ડમ્પરે અડફેટે લીધા હતા. જેના પગલે બે પૈકી એક વિદ્યાર્થીનું ઘટના સ્થળે મોત નીપજ્યું હતું. જ્યારે અન્ય એક વિદ્યાર્થીને ઇજા પહોંચતા સારવાર માટે હોસ્પિટલ ખસેડવામાં આવ્યો હતો. ઘટનાના પગલે સ્થાનિક લોકોનું ટોળું એકઠું થયું હતું. જ્યારે ડમ્પર ચાલક સ્થળ ઉપરથી ફરાર થયો હોવાનું સુત્રો જણાવી રહ્યા છે. પોલીસ પણ ઘટના સ્થળે પહોંચીને વધુ તપાસ હાથધરી હતી.

મળતી માહિતી પ્રમાણે ગોધરાના મહુલિયા ગામે બે વિદ્યાર્થીઓ સવારે બે સાયકલ ઉપર સવાર થઇને શાળાએ જતાં હતા.

આ સમયે એક ડમ્પરે આ બંને વિદ્યાર્થીઓને અડફેટે લીધા હતા. જેના પગલે એક વિદ્યાર્થીનું મોત નીપજ્યું હતું. જ્યારે અન્ય એક વિદ્યાર્થી ઘાયલ થયો હતો.

ઇજાગ્રસ્ત વિદ્યાર્થીને તાત્કાલિક સારવાર માટે હોસ્પિટલ ખસેડવામાં આવ્યો હતો.

ઘટનાની જાણ થતાં સ્થાનિક લોકોના ટોળા એકઠાં થયા હતા. જ્યારે ડમ્પર ચાલક ઘટના સ્થળેથી ફરાર થયો હોવાનું સુત્રો જણાવી રહ્યા છે.

પોલીસને પણ જાણ થતાં એક ટીમ ઘટના સ્થળે પહોંચીને આગળની કાર્યવાહી હાથધરી હતી.

(5:07 pm IST)
  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST