Gujarati News

Gujarati News

News of Friday, 11th January 2019

ગુજરાતના દરિયામાં છ લોકો હથિયાર સાથે દેખાયાના મેસેજથી પોરબંદર કોસ્ટગાર્ડ અને પોલીસ તંત્ર એલર્ટ

દરિયાકાંઠાની સુરક્ષા વધારાઈ :તમામ બોટનું નિરીક્ષણ :વાયરલ મેસેજ હકિકત કે ઉપજાવી કાઢેલી ? :તપાસ શરૂ

પોરબંદર :ગુજરાતના દરિયામાં 6 જેટલા લોકો હથિયાર સાથે હોવાનો મેસેજ વાયરલ થતા પોરબંદર પોલીસ તથા કોસ્ટગાર્ડ એલર્ટ બન્યા છે

  જાણવા મળ્યા મુજબ સોશિયલ મીડિયા પર એક મેસેજ વાયરલ થયો છે કે, પોરબંદર નજીક ગુજરાતના દરિયામાં 6 લોકો હથિયારો સાથે જોવા મળી રહ્યા છે. આ મેસેજને પગલે પોરબંદર પોલીસે કોસ્ટગાર્ડને જાણ કરી. જેને કારણે પોરબંદર પોલીસ અને કોસ્ટગાર્ડ દ્વારા દરિયાકાંઠાની સુરક્ષા વધારાઈ છે
કોસ્ટગાર્ડ તથા પોરબંદર પોલીસ દ્વારા દરિયામાં તમામ બોટનું નિરિક્ષણ કરવાની કામગીરી હાથ ધરવામાં આવી છે.
    બીજીતરફ સોશિયલ મીડિયા પર વાયરલ થયેલા મેસેજ મુજબ ખરેખર હથિયારો સાથે 6 જેટલા શખ્સો ઘુસ્યા છે કે પછી કોઈએ ઉપજાવી કાઢેલી વાત છે, તે મુદ્દે પણ તપાસ હાથ ધરવામાં આવી રહી છે

(10:27 pm IST)
  • દિલ્હી: નેશનલ ગ્રીન ટ્રિબ્યુનલે પ્રદૂષણ મામલે વાપી CETPને રૂ.૧૦ કરોડનો દંડ ફટકાર્યો : દંડની સાથે CETPએ બે કમિટી બનાવવાનો પણ આદેશ એનજીટીને કર્યો access_time 10:39 pm IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST