Gujarati News

Gujarati News

News of Friday, 12th January 2018

વાપી અને સુરત ડીઆરઆઇની ટીમના મુબઇની કંપનીમાં દરોડા: ૪૩.પપ કરોડની કસ્‍ટમ ડ્યુટી ચોરી મામલે તપાસ

સુરત : એડવાન્સ ઓથોરાઇઝેશન સ્કીમનો દુરપયોગ કરીને વિદેશથી આયાત કરેલો માલ લોકલ માર્કેટમાં ડાઇવર્ટ કરીને રૃા.૪૩.૫૫ કરોડની કસ્ટમ ડયુટીની ચોરી કરવાના કેસમાં વાપી અને સુરત ડીઆરઆઇની ટીમે મુબઇની એક કંપનીની ઓફિસમાં દરોડા પાડયા છે. કંપની દ્રારા સ્કીમો લાભ લઇને રૂ.૧૨૭.૪૦ કરોડનો માલ આયાત કરાયો હતો.

ડીઆરઆઇના સૂત્રોએ જણાવ્યુ કે,મુબઇની કંપનીએ એડવાન્સ ઓથોરાઇઝેશન સ્કીમ હેઠળ વિદેશથી ૧૮,૦૪૯ મેટ્રીક ટન એલડીપીઇ,એલએલડીપીઇ અને પીવીસીની આયાત કરી હતી. એડવાન્સ ઓથોરાઇઝેશન સ્કીમના નોટિફિકેશન નંબર ૧૮/૧૫ તા...૨૦૧૫ નો દુરપયોગ કરાયો હતો. આયાતી માલને લોકલ માર્કેટમાં વેચી દઇને રૃા.૪૩.૫૫ કરોડની કસ્ટમ ડયુટીની ચોરી થઇ હોવાની ડીઆરઆઇને બાતમી મળતા દરોડા પાડવામા આવ્યા હતા.

ડીઆરઆઇની ટીમે કંપનીની મુબઇ ઓફિસમાંથી મહત્વના દસ્તાવેજો જપ્ત કર્યા છે. પ્રાથમિક તપાસમાં ડયુટી ચોરી કરનારાઓ રૃા.૫૦ લાખની ડયુટી ભરપાઇ કરી છે તેમ છતાં આગળની તપાસ ચાલુ રાખવામા આવી છે.

(10:28 pm IST)
  • શુક્રવારે બ્લાઇન્ડ ક્રિકેટ વર્લ્ડ કપના ત્રીજા મેચમાં ભારતે પાકિસ્તાનને સાત વિકેટે હરાવ્યું હતું. આ ટુર્નામેન્ટ યુનાઇટેડ આરબ એમિરેટ્સમાં રમાય રહી છે. access_time 6:52 pm IST

  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • પશ્ચિમ બંગાળમાં ભાજપનું બે મહિનામાં બીજીવાર લઘુમતી સંમેલનઃ મમતા ના બ્રાહ્મણ કાર્ડ સામે ભાજપે મુસ્લિમ સંમેલન કર્યું: આ વર્ષની પંચાયતી ચૂંટણી જીતવા ભાજપની પશ્ચિમ બંગાળની વસતીના ૩૦ ટકા મુસ્લિમ મતદારો પર મીટ access_time 11:34 am IST