Gujarati News

Gujarati News

News of Friday, 12th January 2018

ગુજરાત બાર કાઉ.ની ચૂંટણીમાં ર૦ હજારથી વધુ વકીલો મતદાનથી વંચિત રહેશે ? સનદ રીન્યુ કરાવેલ નથી

અમદાવાદ તા.૧ર : અમદાવાદ આખરે બાર કાઉન્સીલ ઓફ ગુજરાતની ચૂંટણી આગામી માર્ચમાં યોજાઇ તેવી સંભાવના વ્યકત કરાઇ છે જો કે આ વખતે ર૦ હજાર વકીલો સર્ટીફીકેટનું વેરીફીકેશન ન કરાવી શકતા ચૂંટણીમાં મતદાનથી વંચિત રહેશે તેમ મનાય છે.

બાર કાઉન્સીલ ઓફ ગુજરાતની ચૂંટણી માટે મતદાન યાદી પુર્ણ થવાના આરે છે જે મુજબ હાલ કુલ ૪૯,પ૦૦ જેટલા વકીલોમાં નોંધાયેલા છે જેમાં અમદાવાદ શહેરના જ ૧ર,૪૦૦ વકીલો છે. અત્રે ઉલ્લેખનીય છે કે બાર કાઉન્સીલ ઓફ ઇન્ડિયાના નિયમ પ્રમાણે દરેક વકીલે પ વર્ષ બાદ પોતાની સનદ રિન્યુ કરાવવી ફરજીયાત છે તેમ છતાં જે વકીલોએ સનદ રિન્યુ કરાવી નથી તે વકીલો હવે મતદાનથી વંચિત રહેશે.(૩-૭)

(11:47 am IST)
  • બોલિવૂડ અભિનેત્રી રાની મુખરજી તેની આવનારી ફિલ્મ હિંચકીના પ્રમોશન માટે અમદાવાદ આવી છે. અમદાવાદની મહેમાન બનેલી રાની મુખર્જીએ કાઇટ ફેસ્ટિવલની મજા માણી હતી અને બેટી બચાવો બેટી પઢાઓના સ્લોગનવાળા પતંગ ચગાવ્યા હતા ત્યારની તસ્વીર. access_time 3:59 pm IST

  • એક્વાડોરે વિકિલીક્સના સ્થાપક જુલિયન અસાંજેને પોતાની નાગરિકતા આપી : સ્વીડન પોલીસ તેની રેપ કેસમાં ધરપકડ ન કરે એ ડરથી અસાંજે પાંચ વર્ષથી વધુ સમયથી લંડનમાં એક્વાડોરના દૂતાવાસમાં આશ્રયમાં રહેતા હતા : તેના પર રેપનો આરોપ હતો, પણ સ્વીડનેએ આરોપો તેના પર થી રદ કર્યા હતા access_time 9:31 am IST

  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST