Gujarati News

Gujarati News

News of Wednesday, 11th December 2019

પાંજરાપોળની નજીક ડમ્પરે અડફેટે લેતા મહિલાનું મોત

૨૦ દિવસમાં બીજો જીવલેણ અકસ્માત સર્જાયો : પતિ સાથે એકટીવા પર જઈ રહેલા સુભદ્રાબહેન ચોકસીનું મોત : ચાલકને આગળના સિગ્નલ પાસે જ ઝડપી લેવાયો

અમદાવાદ, તા.૧૦ : શહેરના આઁંબાવાડી વિસ્તારમાં પાંજરાપોળ પાસે થોડા દિવસ પહેલાં જ બીઆરટીએસ બસની ટક્કરે બે સગા ભાઇઓના મોત નીપજયા હતા એ જ વિસ્તારમાં આજે પોતાના પતિ સાથે એકટીવા પર જઇ રહેલી મહિલાને એક ડમ્પરચાલકે અડફેટે લેતાં મહિલાનું ઘટનાસ્થળે જ કરૂણ મોત નીપજયુ હતું. જેને પગલે સમગ્ર વિસ્તારમાં ભારે અરેરાટીની લાગણી પ્રસરી ગઇ હતી. બનાવ બાદ નાસી છૂટેલા ડમ્પરચાલકને પોલીસે આગળના સિગ્નલ પાસેથી ઝડપી લીધો હતો. અમદાવાદ શહેરમાં દિવસેને દિવસે અકસ્માતો વધી રહ્યા છે, આજે ૨૦ દિવસમાં જ પાંજરાપોળ ચાર રસ્તા પાસે બીજો અકસ્માત થયો છે. આ અકસ્માતમાં એક ડમ્પરચાલકે એકટીવા પર જઇ રહેલા પતિ-પત્નીને અડફેટે લીધા હતા, જેમાં એકટીવા પરથી જમીન પર પટકાયા બાદ ડમ્પરનું ટાયર મહિલા સુભદ્રાહેન ચોકસીના માથા અને શરીરના અન્ય ભાગે ફરી વળતાં તેમનું ઘટનાસ્થળે જ પ્રાણપંખેરૂ ઉડી ગયુ હતું.

          જો કે, આ ગંભીર અકસ્માતમાં પતિનો આબાદ બચાવ થયો હતો. મહિલાના મોતને લઇ સમગ્ર વિસ્તારમાં ભારે ચકચાર અને અરેરાટીની લાગણી પ્રસરી ગઇ હતી. લોકોના ટોળેટોળા ઘટનાસ્થળે એકત્ર થઇ ગયા હતા. બીજીબાજુ, અકસ્માત કર્યા બાદ નાસી છૂટેલા ડમ્પર ચાલકને આગળના સિગ્નલ પાસેથી ઝડપી લેવામાં આવ્યો હતો. ઉલ્લેખનીય છે કે, ગત ૨૧ નવેમ્બરના રોજ પાંજરાપોળ ચાર રસ્તા પાસે બીઆરટીએસની બસે બાઈક ચાલકને અડફેટે લેતા બે સગા ભાઈઓના મોત થયા હતા. આ મોત સમગ્ર શહેરમાં બીઆરટીએસ બસ અને શહેરમાં વધી રહેલા અકસ્માતોને લઈ શહેરીજનોમાં રોષ ફાટી નીકળ્યો હતો. પાંજરાપોળ પાસે અકસ્માતોની સંખ્યા હવે વધતી જતી હોઇ સ્થાનિક લોકોએ પણ યોગ્ય પગલા લેવા સત્તાવાળાઓને અનુરોધ કર્યો છે.

(9:45 pm IST)
  • કેન્દ્ર સરકારને મોટી રાહત : રાજ્યસભામાં નાગરિકતા સંશોધન બિલ પર મતદાન : બિલને સિલેકટ કમિટી પાસે મોકલવાનો પ્રસ્તાવ રદ : શિવસેનાનો વોકઆઉટ : બિલને સિલેક્ટ સમિતિ પાસે મોકલવાના વિરુદ્ધમાં 124 મત અને સમર્થનમાં 99 મત પડ્યા : access_time 8:35 pm IST

  • નિત્યાનંદ આશ્રમ વિવાદ મામલે કોર્ટમાં બંને સાધિકાઓ જામીન અરજી પર સુનાવણી પૂર્ણઃ સાધિકાની જામીન અરજી પર ૧૩ ડિસે. ગ્રામ્ય સેશન્સ કોર્ટ શુક્રવારે ૩ વાગે ચુકાદો આપશે access_time 2:03 pm IST

  • ઉદેપુરમાં ગુજરાતી પરિવારના ચાર લોકોનો ઝેર પી આપઘાતઃ પતિ-પત્નિના મોતઃ બે સારવાર હેઠળ : ઉદેપુરમાં પરિવારના ચાર લોકોએ ઝેર ઘોળ્યું: પતિ, પત્નિનું સારવાર દરમિયાન મોતઃ બંને બાળકોની પણ હાલત નાજુકઃ આપઘાત કરનાર પરિવાર મોડાસાનો રહેવાસીઃ મંડપ ડેકોરેશનનો વ્યવસાય કરતો હતો પરિવારઃ હર્ષ પેલેસ હોટલમાં આપઘાત કર્યો access_time 4:38 pm IST