Gujarati News

અમદાવાદઃ ગઇ રાજ્‍યસભાની ચૂંટણીમાં કોંગ્રેસ અને બીટીપીના ગઠબંધનને કારણે કોંગ્રેસને મત ન મળતા ગઠબંધન તુટયુ છે. ડેડીયાપાડા અને ઝઘડીયાની બેઠકની ગોઠવણમાં ગડબડ થઇ છે. જેથી આ વખતે કોંગ્રેસ-બીટીપીના ગઠબંધન પર પૂર્ણવિરામ મુકાયુ છે. કોંગ્રેસે ઝઘડીયા બેઠક ઉપર ફતેસિંહ વસાવા અને ડેડીયાપાડા બેઠક ઉપર જેરમાબેન વસાવાને ટિકીટ આપી છે.

ગુજરાત વિધાનસભાની ચૂંટણી પહેલા અનેક મોટો ઉલટફેર જોવા મળી શકે છે. તેની શરૂઆત થઈ ચૂકી છે. કોંગ્રેસ-બીટીપી ગઠબંધન ચર્ચા પર પૂર્ણવિરામ મૂકાયું છે. કોંગ્રેસે ડેડીયાપાડા અને ઝગડીયા બેઠક પર પોતાના ઉમેદવાર ઉતાર્યા છે. જેથી ગઠબંધનના સમીકારણો રોળાઈ ગયા છે. ગત વિધાનસભા ચૂંટણીમાં બીટીપી સાથે ગઠબંધન થયું હતું. આ વખતે ડેડીયાપાડા પર કોંગ્રેસે જેરમાબેન વસાવાને ટિકિટ આપી છે, જ્યારે ઝગડીયાથી ફતેહસિંહ વસાવાને કોંગ્રેસે મેદાને ઉતાર્યા છે. જેથી રાજ્યસભા ચૂંટણીઓમાં બીટીપીના મત કોંગ્રેસને ના મળતા ગઠબંધન તૂટ્યું છે.

કોંગ્રેસ અને બીટીપી વચ્ચે ગઠબંધનની રહી સહી આશા ઉપર પણ હવે પૂર્ણવિરામ મૂકાઈ ગયું છે. કોંગ્રેસે પોતાના ઉમેદવારોની બીજી યાદી જાહેર કરી તેમાં ડેડીયાપાડા અને ઝગડીયા બેઠક પર ઉમેદવાર ઉતાર્યા છે. ગઈ વિધાનસભા ચૂંટણીમાં બીટીપી સાથે આ બંને બેઠકો પર કોંગ્રેસનું ગઠબંધન થયું હતું. પરંતુ આ વખતે કોંગ્રેસે ડેડીયાપાડા પર કોંગ્રેસે જેરમાબેન વસાવાને ટિકિટ આપી છે તો ઝગડીયા બેઠક પર ફતેહસિંહ વસાવાને કોંગ્રેસે મેદાને ઉતાર્યા છે. રાજ્યસભા ચૂંટણીઓમાં બીટીપીના મત કોંગ્રેસને ના મળતાં આ વખતના મહાસંગ્રામમાં કોંગ્રેસ-બીટીપીનું ગઠબંધન તૂટ્યું છે.

મોટી વાતો જોઈએ તો ગુજરાત કોંગ્રેસે જાહેર કરેલા 46 ઉમેદવારોમાં પોતાના ધારાસભ્યોને રિપીટ કર્યા છે. બીજી યાદીમાં કોંગ્રેસે 3 મહિલાને ટિકિટ આપી છે. આ યાદીમાં 4 મુસ્લિમ ચહેરાઓને કોંગ્રેસે ટિકિટ આપી છે. અબડાસા, વાંકાનેર, વાગરા અને સુરત પૂર્વમાં મુસ્લિમ ઉમેદવારને ટિકિટ આપી છે.

અબડાસામાં મહમદ જત, વાંકાનેરમાં સીટિંગ ધારાસભ્ય મોહમ્મ્દ જાવેદ પીરઝાદા, વાગરામાં સુલેમાન પટેલ અને સુરત પૂર્વ બેઠક પર કોંગ્રેસ અસલમ સાયકલવાલાને ટિકિટ આપી છે. કોંગ્રેસના ઉમેદવારોની બીજી યાદીમાં3 SC અને 7 ST સીટના ઉમેદવારો પણ જાહેર કરવામાં આવ્યા છે. કોંગ્રેસની પ્રથમ યાદીમાં 43 ઉમેદવાર હતા તો બીજી યાદીમાં 46 ઉમેદવાર જાહેર કરાયા છે. કુલ મળીને પ્રથમ-બીજી યાદીના 89 ઉમેદવાર જાહેર કરવામાં આવ્યા છે. અને પ્રથમ તબક્કામાં 89 બેઠકો પર મતદાન થવાનું છે.

જો કે પ્રથમ તબક્કાની 89 બેઠકોમાંથી કોંગ્રેસને હજુ 20 ઉમેદવારો જાહેર કરવાના બાકી છે, એટલે કે પ્રથમ તબક્કા માટે કોંગ્રેસે હજુ સુધી 69 ઉમેદવાર જ જાહેર કર્યા છે. બાકીના 20 ઉમેદવાર બીજા તબક્કામાં જે મતદાન થવાનું છે તે બેઠકોના જાહેર કર્યા છે.