Gujarati News

Gujarati News

News of Thursday, 11th October 2018

ખેડા: ડભાણ નેશનલ હાઇવે પર જુદા-જુદા 3 અકસ્માતના બનાવમાં ત્રણ મોતને ભેટ્યા : બેને ગંભીર ઇજા

ખેડા: જિલ્લામાં ડભાણ નેશનલ હાઈવે નં. ૮ કેનાલ નજીક સર્જાયેલા બે અકસ્માતમાં ટ્રકના ક્લીનરનું મોત નીપજ્યું હતું. જ્યારે ત્રણને ઈજા થઈ હતી. આ ઉપરાંત અમદાવાદ - વડોદરા એક્સપ્રેસ હાઈવે ઉપર તોતીંગ ટેલર ટ્રક પાછળ અથડાતા બેના મોત નિપજ્યા હતા. આ બનાવ અંગે જે તે પોલીસ મથકમાં અકસ્માત સર્જનાર વાહન ચાલક સામે ગુનો નોંધવામાં આવ્યો છે. 

પોલીસ સૂત્રોમાંથી મળેલ વિગત મુજબ પોરબંદર જિલ્લાના વડાળા કોળીવાડમાં રહેતા અશોકભાઈ ઘેલાભાઈ મકવાણા આજે વહેલી પરોઢીયે ડમ્ફર ટ્રક નં. જીજે ૦૩ એ ડબલ્યુ ૮૯૩૩ હંકારી નેશનલ હાઈવે નં. ૮ ઉપરથી પસાર થતા હતા આ દરમ્યાન રાત્રીના સાડા ત્રણ વાગ્યે ડભાણ હાઈવે ઉપર આવેલી કેનાલ નજીક ટ્રક ઊભી રાખી હતી ત્યારે પાછળથી પૂરપાટ ઝડપે આવેલ ટ્રક નં. જીજે ૨૫ યુ ૯૭૨૨ ધડાકાભેર અથડાતા ટ્રક ચાલક તથા ક્લીનરને ઈજા થઈ હતી. આ બનાવ અંગે ટ્રક ચાલક અશોકભાઈ ઘેલાભાઈ મકવાણાની ફરિયાદ આધારે નડિયાદ રૂરલ પોલીસે ગુનો નંોંધી કાર્યવાહી હાથ ધરી છે. 

આ ઉપરાંત ડભાણ હાઈવે નં. ૮ ઉપર કેનાલ નજીક રાત્રીના ચારેક વાગ્યે બીજો અકસ્માત સર્જાયો હતો. જેમાં જૂનાગઢ જિલ્લાના ભેંસાણ તાલુકાના હતમતીયામાં રહેતા અમિતભાઈ મોતીભાઈ વીશલ ગત રાત્રે લક્ઝરી બસ નં. જીજે ૫બીવી ૫૫૦૦માં મુસાફરોને બેસાડી નેશનલ હાઈવે નં. ૮ ઉપરથી હંકારી જઈ રહ્યો હતો ત્યારે ડભાણ નજીક સામેની સાઈડે થયેલ અકસ્માત જોવા ટ્રક ચાલક અમીતભાઈ વિશલે બેફીકરાઈથી હંકારતા આગળ જતા આઈશર ટેમ્પા નં. જીજે ૨૭ વી ૨૯૫૭ પાછળ ખાલી સાઈડે અથડાવતા સ્ટીયરીંગ પરનો કાબૂ ગુમાવી રોડની ખાલી સાઈડે લોખંડની રેલીંગ તોડી ભારદ્વાજ કંપનીના મેઈન ગેટની દીવાલો સાથે અથડાવી હતી. આ લક્ઝરી બસનો અકસ્માત સર્જાતા ટ્રક ડ્રાઈવર અમિતભાઈ વિશળને ઈજા થઈ હતી. જ્યારે જાદવ ઉર્ફે ભરત નામના મુસાફરને ગંભીર ઈજા થતા ઘટના સ્થળે જ મોત નીપજ્યું હતું. આ બનાવ અંગે ચકુભાઈ હમીરભાઈ બામણીયા (રે. મેડારણા, સોમનાથ) ની ફરિયાદ આધારે નડિયાદ રૂરલ પોલીસે લક્ઝરી બસના ચાલક સામે ગુનો નોંધી કાયદેસર કાર્યવાહી હાથ ધરી હતી. આ ઉપરાંત અકસ્માતનો ત્રીજો બનાવ અમદાવાદ-વડોદરા એક્સપ્રેસ હાઈવે ઉપર વહેલી પરોઢીયે સર્જાયો હતો. જેમાં દસકોઈ તાલુકાના કુબડથલમાં રહેતા જીતેન્દ્રપાલ રામપાલ ગઈકાલે રાત્રે ટ્રક નં. જીજે-૨ ઝેડ ૬૫૮૫માં જઈ રહ્યા હતા. આ ટ્રક અમદાવાદ- વડોદરા એક્સપ્રેસ વે ઉપરથી જઈ રહી હતી, દરમ્યાન આજે વહેલી પરોઢીયે ચકલાસી આવી કોલ્ડ સ્ટોરેજ નજીક ટ્રક રોડની સાઈડમાં ઊભી રાખી હતી. ત્યારે પૂરપાટ ઝડપે આવેલ ટેલર નં. જીજે ૧૨ બીબી ૨૧૧૪ ઊભી રહેલ ટ્રક પાછળ અથડાઈ હતી. આ અકસ્માતમાં ટ્રક પાછળ ઊભેલા હરેન્દ્રપાલ (ઉંમર - ૨૬ વર્ષ) તથા આનંદીબાઈ (ઉંમર ૫૫ વર્ષ)નું ગંભીર ઈજા થતા ઘટના સ્થળે જ મોત નીપજ્યું હતું. આ બનાવ અંગે જીતેન્દ્ર પાલ રામપાલની ફરિયાદ આધારે ચકલાસી પોલીસે અકસ્માતનો ગુનો નોંધી કાયદેસર કાર્યવાહી હાથ ધરી હતી.

(5:25 pm IST)
  • મીડિયાપાર્ટનો દાવો :રાફેલ ડીલમાં દસોલ્ટની સામે રિલાયન્સ સાથે સોદાની અનિવાર્ય શરત રાફેલ ડીલ મામલે ફ્રેન્ચ વેબસાઇટ મીડિયાપાર્ટનો દાવો :રિલાયન્સ સાથે ભાગીદારી હતી સોદાની શરત :આજતક ન્યુઝ ચેનલનો ધડાકો access_time 12:44 am IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST